MIRA DARD NAGHMA-E-BE SADA
MIRI ZAAT ZARRA-E-BE NISHAAn
MIREY DARD KO ZABAAn MILEY
MUJHEY APNA NAAM-O-NISHAAn MILEY
MUJHEY RAAZ-E-NAZM-E-JAHAAn MILEY
JO MUJHEY YE RAAZ-E-NIHAAn MILEY
MIRI KHAAMUSHI KO BAYAAn MILEY
MUJHEY KAAYNAAT KI SARWARI
MUJHEY DAULAT-E-JAHAAn MILEY
----TUM AUR FAREB KHAO----
TUM AUR FAREB KHAO BAYAAN-E-RAQEEB SE
TUM SE TO KAM GILAA HAI ZIYAADAA NASEEB SE
GOYAA TUMHAARI YAAD HI MERA ILAAJ HAI
RAHTAA HAI PAHROn ZIKR TUMHAARAA TABEEB SE
BARBAAD DIL KA AAKHRI SARMAAYAA THHI UMMEED
WO BHI TO TUM CHHEEN LIYA MUJH GHAREEB SE
DHUNDLA CHALEE NIGAAH , DAM-E-WAAPSI HAI AB
AA PAAS AA KE DEKH LOn TUJH KO QAREEB SE
----SOZ-E-GHAM DE KE MUJHEY ----
SOZ-E-GHAM DE KE MUJHEY US NE YE IRSHAAD KIYAA
JA TUJHEY KASHMAKASH-E-DAHR SE AAZAAD KIYAA
IS KA RONAA NAHIEn KYOn TUM NE KIYAA DIL BARBAAD
IS KA GHAM HAI KE BAHUT DER MEIn BARBAAD KIYAA
ITNAA MAANOOS HOOn FITRAT SE KALI JAB CHATKI
JHUK KE MAIn NE YE KAHAA ‘MUJH SE KUCHH IRSHAAD KIYAA’
MUJH KO TO HOSH NAHIEn TUM KO KHABAR HO SHAAYAD
LOG KAHTEY HAIn KE TUM NE MUJHEY BARBAAD KIYAA
DIL KI CHOTOn NE KABHI CHAIN SE RAHNEY NA DIYAA
JAB CHALI SARD HAWAA MAIn NE TUJHEY YAAD KIYAA
----DHONDO GEY AGAR----
DHONDO GEY AGAR MULKOn MULKOn MILNEY KE NAHIEn NAA-YAAB HAIn HUM
TA’ABEER HAI JIS KI HASRAT-O-GHAM AYE HUM-NAFASO WO KHWAAB HAIn HUM
AYE DARD BATAA KUCHH TU HI PATAA AB TAK YE MO’AMMAA HAL NA HUAA
HUM MEIn HAI DIL-E-BE-TAAB NIHAAn YA AAP DIL-E-BE-TAAB HAIn HUM
MAIn HAIRAT-O-HASRAT KA MAARAA KHAAMOOSH KHADAA HOOn SAAHIL PAR
DARYAA-E-MOHABBAT KAHTAA HAI “AA KUCHH BHI NAHIEn PAA-YAAB HAIn HUM”
LAAKHOn HI MUSAAFIR CHALTEY HAIn MANZIL PE PAHUnCHTEY HAIn DO IK
AYE AHL-E-ZAMAANAA QADR KARO NAAYAAB NA HOn KAMYAAB HAIn HUM
MURGHAAN-E-QAFAS KO PHOOLOn NE AYE SHAAD YE KAHLAA BHEJAA HAI
AA JAAO JO TUM KO AANAA HO AISEY MEIn ABHI SHAADAAB HAIn HUM
hope u guys like them 
