Kam aa sakeen na apni wafaen to kya karen
Ik bewafa ko bhool na jaen to kya karen
Mujh ko ye aitraaf duaon mein hy asar
Jaen na arsh par jo duaen to kya karen
Ik din ki baat ho to usay bhool jaen hum
Naazil hon roz dil pe balaen to kya karen
Shab bhar to unn ki yaad mein taray gina kiye
Taray se din ko bhi nazar ayen to kya karen
Ehd e tarab ki yaad mein roya kiye boht
Ab muskura k bhool na jaen to kya karen
Ab je mein hy k un ko bhula kar he dekh len
Wo bar bar yaad jo ayen to kya karen
Tark e wafa bhi jurm e mohabbat sahi Akhtar
Milne lagen wafa ki sazaen to kya karen