**Nah koyi harf raha moutbir, nah shakal keh hum
kissi suhan, kissi suhbat pe iftehar kareeN!
tumaam aainey dhundla gaye haiN shehrooN meiN
nah koyi naqsh he salam, nah koyi aks keh hum
kissi nazar, kissi chehrey pe aitbaar kareeN
yeh kaisey shak ka aazaab parha hum per
hujal hoyi he baseerat, basarateeN nadem
her eik harf-e-duaa, benawa gadaa ki tarah
khud apney khwab-e-khazori ki baazgasht meiN gum
fasee-l-lab pe kharha he issi tazabzub meiN
abhi kuwaarh khuleeN gey dar-e-masiha key!
abhi woh dast-e-karam
khuley kuaarh ki handajabeeN sey jhankey ga
magar yeh houf keh zangeer-e-dar ki jumbish bhi
hawa key dooltey lamhey ki chaal nah ho
lahoo meiN choor ki sorat naqab lagata he!
kati he aisey dhudlakooN meiN zindgi apni
keh subhu sham key tarey ka farq yaad naheen
he purumeed bhi khalqat, dilooN meiN khouf bhi he
sehar key jaal key peechhey shabooN ka jaal nah ho!
keh yeh safar bhi shaheed-e-rah-e-malaal nah ho!
tumaam shaher ki khalqat yehi dahaii dey
rehaii dey hameeN Moula, hameeN rehaii dey
dilooN ki teh meiN chhupey bhaid jananey waley
teri nigah pe roushan haiN aisi tehrireeN
keh jin key harf kissi loh per likhey nah gaye
Her eik ruuh ki dhoori he tery muthi meiN
ussey ghataa keh barhhaa yeh teri mashiyat he
per us key khwaab key rastooN pe roshni rakhna
Koyi charagh bhujey ya jaley magar Moula!
mery watan ki faseelooN meiN roshni rakhna(Ameen) **
A.I.A
