log kahte haiN k filmii GhazloN kaa me’yaar zaraa halkaa hotaa hai. beshak! magar pichhle daur meN jab ham SaaHir Ludhyaanvii, Shakeel Badaayuunii, Hasrat Jaipurii, MajrooH Sultanpurii, kaifii Azmii jaise 'azeem sho’araa kii filmii GhazleN sunte haiN to yeh yaqeen baavar aa jaataa hai k unkii vo GhazleN har ai’tabaar se kaamiiyaab GhazleN maanii jaa saktii haiN. un jaise chand ek sho’araa aaj bhii paaye jaate haiN jinkii filmii Ghazlen usii paaye kii haiN.
inshaa Allah, maiN is silsile_vaar laRii meN har roz na sahi to kam o besh har duusre, teesre roz ek naii filmii Ghazal kii video pesh kiyaa karuuNgaa is ummeed e qawii ke saath k shaayad aapkii tab’a-e-naazuk par baar-e-giraaN na guzregii. shukria.
Here ya go… I am into old songs/ghazals big time… aab aap nay cheer diya hay tu li jiyee aik aur hazir-e-khidmat hay… by the way I am not sure if this one is a nazam or a ghazal…
**sabhii ne bahoot achchhi GhazleN/naGhme pesh kiye. maiN sabhi kaa mutashakkir huN magar jaisa ki is laRkii kii surKhii meN darj hai k yeh laRii "FILMI GHAZLON" ke liye maiN ne banaayii thii...maiN ek aur laRii banaane waalaa thaa jo har taraH kii duusrii NON FILMI Ghazaliyaat ka zaKheera hotii. is laRii kaa meraa maqsad yeh bataanaa thaa k filmi GhazleN bhii me'yaarii hotii haiN na k baazaaroo jaisa k aam taur par tasavvur kiyaa jaataa hai.
Khair, is laRii ko ek nayaa Khoobsoorat moR de diyaa gayaa hai is liye mujeh koii shikaayat nahiiN. so, aap log is laRii ko jaarii o saarii rakkheN. maiN to do chaar dinoN kaa mahmaan huN bas. ab aap log hii ise aage baRhaayeN...shukria.**
iA, u’ll NOT be disappointed :)**
