Wo ada-e-dilbari ho k nawa-e-ashiqana
Jo dilon ko fatah kar le wohi fatah-e-zamana
Ye tera jaml-e-kamil ye shabab ka zamana
Dil-e-dushmana slamat, Dil-e-Dostaan nishana
Kabhi hussn ki tabeeat na badal saka zamana
Wohi naz-e-beniazi wohi shan-e-khasrawana
Main hon is mukam par ab k faraak-o-wasaal kaise
Mera ishq b kahani tera hussn bhi fasana
Meri zindagi to guzri tere hijar k saharaye
Meri mout ko bhi pyare koi chahye bahana
Tere ishq ki karamat ye agr nahi to kya he
Kabhi bhi adab na guzra mere pas sy zamana
Teri doori o hazoori ka hai ajeeb aalam
Abhi zindagi haqeeqat abhi zindagi afsana
Mere hum safar bulbul mera tera sath he kya
Mein zameer-e-dasht o darya tu aseer-e-Ashyana
Main wo saaf he na kah doon jo he farak mujh mei tujh mei
Tera dard dard-e-tanha mera gham gham-e-zamana
Tere dil k totone par hei kisi ko naz kya kya
Tujhe aye bewafa mubarik ye shikast-e-fathihanaa