Meri Zaat Zarra-e-Benishan...whats the meaning of last Lines ??

[muqawwee123]

Re: Meri Zaat Zarra-e-Benishan…whats the meaning of last Lines ??

@fariha ali

Main wo kis tarah se karoon bayaan
jo kiye gae hain sitam yahaan

sune kon meri ye daastan
koi hamnasheen he na raazdaan

jo tha jhoot wo bana sach yahaan
nahi kholi maine magar zubaan
ye akela pan, ye udaasiyaan
meri zindagi ki hain tarjumaan

Meri Zaat Zarra-e-Benishan
Meri Zaat Zarra-e-Benishan

kabhi sooni subh main ghoomna
kabhi ujri shaamon ko dekhna
kabhi bheegi aankhon se jaagna
kabhi beete lamhon ko sochna

magar aik pal hai umeed ka
hai mujhe Khuda ka jo aasra
na hi maine koi gila kiya
na hi maine di hain duhaaiyaan

Meri Zaat Zarra-e-Benishan
Meri Zaat Zarra-e-Benishan

main bataoun kya, mujhe kya milay?
mujhe sabr he ka sila mile
kisi aagahi ki rida mile
kisi dard hi ka sira mile
kisi gham ki dil me jagah mile
jo mera he wo mujhe aa mile
rahe shaad yoon hi mera jahaan
ke yaqeen me badle mera gumaan

Meri Zaat Zarra-e-Benishan
Meri Zaat Zarra-e-Benishan

drama dekha to hoga… saba ka character yaad hai to sab samajh aa jana chahiye