Meri Zaat Main Reh Ker Woh Mera Ho Na Saka
Andheri Shab Kay Nagar Main Ujala Ho Na Saka
Khayal Ussi Ka Ussi Ki Lagan Ussi Ki Soch
Woh Mera Sath Nibhata Mager Aisa Ho Na Saka
Main Jugnuon Kay Taqub Main Door Ja Nikla
Bayan Mujh Se Kisi Ka Sarapa Ho Na Saka
Talab Khushi Ki Rahi Jin Ko Gham Milay Un Ko
Sehar Ki Aas Thi Lakin Sawera Ho Na Saka
Main Us Kay Daiss Se Baitha Hoon Door Bohat
Shikar Woh Mere Teer-e-Nazar Kay Ho Na Saka
Meri Umeed Nay Dam Tor Hi Diya Akhir
Mujhay Khud Apne Hi Dil Pay Bharosa Ho Na Saka
Main Aainy Say Nikaltay Hi Ho Gaya Pathar
Kay Mujh Se Mamla Bewafa Ka Ho Na Saka
Tha Saad Mere Sath Us Ki Yaadon Ka Lashkar
Yeh Dil Kisi Tarah Bhi Aikela Ho Na Saka