meri teri nigaah maiN.......

Arts & Culture Poetry ( Intikhaab & Sho'ra-e-Gupshup)
1

meri teri nigaah maiN
jo laakh intezaar haiN
jo meray teray tan-badan maiN
laakh dil-figaar haiN
jo meri teri ungliyoN ki bay-hissi say
sab qalam-nizaar haiN
jo meray teray shehar ki
har aik gali maiN
meray teray naqsh-e-paa kay bay-nishaaN mazaar haiN
jo meri teri raat kay
sitaaray zakham zakham haiN
jo meri teri subah kay
gulaab chaak chaak haiN
yeh zakham saaray bay-dawa
yeh chaakh saaray bay-rafu
kisi pay raakh chaand ki
kisi pay os ka lahu
yeh hay bhi yah nahi, bataa
yeh hay keh mehaz jaal hay
meray tumhaaray ankaboot-e-weham ka buna huwa
jo hay to iss ka kiya karaiN
nahi hay to bhi kiya karaiN
bataa, bataa
bataa, bataa
Faiz

hummay tum say pyar kitna :)yae hum nahe jantay:)

2

Bohaat acHi nazm hai :.....!!!Mashallah

Daiyaar-e-MagHrib se jaane walo!daiyaar-e-Mashriq ke BaasioN ko
Kisi gHareeb-ul-Watan Musafir ki ChaahtoN ka salaam kehnaa
Hamaare Shaam-o-Sehar ka keya Haal poocHte ho ke lam'haa lam'haa
Naseeb in ka bana rahe haiN tumhaare hi Sub'ho Shaam kehnaa

3

thanks tassneef

http://www3.pak.org/gupshup/smilies/wink.gif

hummay tum say pyar kitna :)yae hum nahe jantay:)