Perveen Shakir Ki Aik Ghazal,
Kuch To Hawa Bhi Sard Thi, Kuch Tha Tera Khiyaal Bhi
Dil Ko Khushi K Saath Saath Hota Raha Malaal Bhi..
Baat Wo Aadhi Raat Ki, Raat Woh Poore Chand Ki
Chand Bhi Ain Cheet Ka Us Pe Tera Jamaal Bhi
Sab Se Nazar Bacha Ke Woh Mujhko Kuch Aise Dekhta
Eik Dafa To Ruk Gayi Gardish-E-Maah-O-Saal Bhi
Dil To Chamak Sakega Kia Phir Bhi Tarash Ke Dekh Lo
Sheeshagaran-E-Shehr Ke Haath Ka Yeh Kamaal Bhi
Usko Na Pa Sake Thay Jab Dil Ka Ajeeb Haal Tha
Ab Jo Palat Ke Dekheay Baat Thi Kuch Muhaal Bhi
Meri Talab Tha Aik Shakhs Woh Jo Nahi Mila To Phir
Haath Dua Se Yun Gira Bhool Gaya Sawal Bhi
Shaam Ki Nasamajh Hawa Pooch Rahi Hai Ek Pata
Mauj-E-Hawa-E-Kuu-E-Yaar Kuch To Mera Khayaal Bhi
Us Ke Hi Baazu’on Mein Aur Us Ko Hi Sochtay Rahe
Jism Ki Khawhishon Pe Thay Rooh Ke Aur Jaal Bhi
Umeed Hai Aap Logon Ko Bhi Pasand Aye Gi..
Regards,