Meri ratoon ki rahat din ka itminaan lay jana ,

Arts & Culture Poetry ( Intikhaab & Sho'ra-e-Gupshup)
1

Meri ratoon ki rahat din ka itminaan lay jana ,
Tumharay kaam aa jae ga , yeh saman lay jana

Tumharay baad kia rkhna ana say wasta koi ?
Tum apnay saath mera umer bhar ka maan lay jana

Shikista kay kuch raizay paray hein farsh par , chun lo
Agar tum jord sktay ho tu yeh guldaan lay jana

Udher almarion mein chand awraaq pareshan hein
Meray yeh baqimanda khuwab meri jan lay jana

Tumhein esay tu khali haath rukhsat kar nahi sktay
Purani dosti hay is ski kuch pehchan lay jana

Irada kar liya hay tum nein gar sach much bicharnay ka !
Tu phir apnay yeh saray wada-o-pemaan lay jana

Agar thori bohat hay shaery say un ko dilchaspi
Tu un kay samnay tum mera yeh diwaan laay jana

2

Re: Meri ratoon ki rahat din ka itminaan lay jana ,

:)

3

Re: Meri ratoon ki rahat din ka itminaan lay jana ,

aur agar na ho dilchaspi ? :5:

4

Re: Meri ratoon ki rahat din ka itminaan lay jana ,

to parh k wapas kar dena

5

Re: Meri ratoon ki rahat din ka itminaan lay jana ,

kya faidah jub wo wa-wahi nahi karainge :no:

6

Re: Meri ratoon ki rahat din ka itminaan lay jana ,

Agar thori bohat hay shaery say un ko dilchaspi
Tu un kay samnay tum mera yeh diwaan laay jana

le jana ke na le jana? :hehe: j/k

Nice sharing