Meri Pasand ki 10 Ghazlen / Nazmen (madz124)

Arts & Culture Poetry ( Intikhaab & Sho'ra-e-Gupshup)
81

Re: Meri Pasand ki 10 Ghazlen / Nazmen (madz124)

Teri aankhon ke siwa duniya main rakha kya hai? :wub:

82

Re: Meri Pasand ki 10 Ghazlen / Nazmen (madz124)

Aks-e-khushboo hooN bikharnay say na rokay koi
Aur bikhar jaooN to mujh ko naa samaitay koi

Kaamp uthti hooN maiN yeh soch ke tanhaai meiN
Mere chehre pe tera naam naa parrh lay koi

Jis tarha khuwaab meray ho gaye raizaa raizaa
Iss tarha say naa kabhi toot ker bikhray koi

MaiN to is din se haraasaaN hooN ke jab hukm milay
Khushk phooloN ko kitaaboN meiN na rakhay koi

Ab to is raah say woh shakhs guzartaa bhi nahi
Ab kis umeed pay darwaazay say jhaankay koi

Koi aahat, koi aawaaz, koi chaap nahi
Dil ki galiyaaN bari sunsaan haiN, aaye koi

By: Parveen Shakir

83

Re: Meri Pasand ki 10 Ghazlen / Nazmen (madz124)

Kaamp uthti hooN maiN yeh soch ke tanhaai meiN
Mere chehre pe tera naam naa parrh lay koi

Muhabbat darpok to nahin hoti? jab pyar kia to darna kia?

84

Re: Meri Pasand ki 10 Ghazlen / Nazmen (madz124)

Ghalat banday se ya ghalat waqt pe ho jaaye, tu darpok ho bhi sakti hai.

85

Re: Meri Pasand ki 10 Ghazlen / Nazmen (madz124)

yani.. hamen chahiye tha milna kisiahd e mehrbaan main

86

Re: Meri Pasand ki 10 Ghazlen / Nazmen (madz124)

Kisi khwab ke yaqeen main
Kisi aur aasman main
Kisi aur sar zameen main...

87

Re: Meri Pasand ki 10 Ghazlen / Nazmen (madz124)

Kuch Khwaab haiN jinko likhna hai
Taabeer ki soorat deni hai
Kuch log haiN ujray dil walay
Jinhe apni muhabbat deni hai
Kuch phool haiN jinko chun'na hai
Aur haar ki surat deni hai
Kuch apni neendeN baaki haiN
Jinhe baantna hai kuch logoN maiN
Unko bhi to raahat deni hai
Aye umr-e-RawaN
Ahista chal
Abhi khaasa qarz chukana hai

I'm not sure who wrote this one. Maybe Muqawwee knows?

88

Re: Meri Pasand ki 10 Ghazlen / Nazmen (madz124)

Poetry is good, but I don't know who is the poet. fariha might know. she wrote lines from this poem few days back

89

Re: Meri Pasand ki 10 Ghazlen / Nazmen (madz124)

Ishq Mujhko Nahin, Vehshat Hi Sahi
Meri Vehshat Teri Shohrat Hi Sahi

Katta Keeje Na Taalluk Hamse
Kuch Nahin Hai To Adavat Hi Sahi

Mere Hone Mein Hai Kya Rusvayee
Ae Veh Majlis Nahin Khallat Hi Sahi

Hum Bhi Dushman To Nahin Hain Apne
Gair Ko Tujhse Mohabbat Hi Sahi

Apni Hasti He Se Ho Jo Kuch Ho
Aagahi Gar Nahin Gaflat Hi Sahi

Umr Harchand Ki Hai Barke-Kharam
Dil Ke Khoon Ki Fursat Hi Sahi

Hum Koyee Tarqe-Vafa Karte Hain
Na Sahi Ishq Museebat Hi Sahi

Kuch To De Ae Falke-Na-Insaaf
Aah-o-Fariyad Ki Rukhsat Hi Sahi

Hum Bhi Tasleem Ki Khoo Dalenge
Benayaazi Teri Aadat Hi Sahi

Yaar Se Chedh Chali Jaye 'Asad'
Gar Nahin Vasl To Hasrat Hi Sahi

By: Mirza Ghalib

90

Re: Meri Pasand ki 10 Ghazlen / Nazmen (madz124)

Kya mila mohabbat se

Khwaab ki masaafat se
Wasl ki tamaazat se
Roz-o-shab riyaazat se

Kya mila mohabbat se?

Ek hijr ka sehra
Ek shaam yaadon ki
Ek thaka hua aansoo

By: Khalilullah Farooqui

91

Re: Meri Pasand ki 10 Ghazlen / Nazmen (madz124)

Koi fariyaad tere dil meiN dabi ho jaise
Tu ne aankhoN se koi baat kahi ho jaise

Jaagte jaagte ek umr kati ho jaise
Jaan baaki hai magar saans ruki ho jaise

Har mulaaqat pe mehsoos yehi hota hia
Mujhse kuch teri nazar pooch rahi ho jaise

Raah chalte hue aksar yeh gumaaN hota hai
Woh nazar chup ke mujhe dekh rahi ho jaise

Ek lamhe meiN simat aaya hai sadiyoN ka safar
Zindagi taiz bohut taiz chali ho jaise

Is tarah pehroN tujhe sochta rehta hooN maiN
Meri har saans tere naam likhi ho jaise

By : Faiz Anwar

92

Re: Meri Pasand ki 10 Ghazlen / Nazmen (madz124)

Gulaab haath meiN Ho, aankh meiN sitara ho
Koi wujood mohabbat ka iste'aara ho

MeiN gehray paani ki iss ro' ke saath behti rahooN
Jazeera ho keh muqaabil koi kinaara ho

Kabhi kabhaar usay dekh leiN, kahiN mil leiN
Yeh kab kaha tha ke woh khush'badan hamaara Ho

Qasoor ho to hamarey hisaab meiN likh jaaye
MohabbatoN meiN jo ehsaan ho, tumhara ho

Yeh itni raat gaye kaun dasta'keiN dega
KahiN hawa ka hi uss nay na roop dhaara ho

Ufaq to kia hai dar-e-kehkashaaN bhi choo ayeiN
MusafiroN ko agar chaand ka ishara ho

MeiN apne hissey ke sukh jiske naam kar dalooN
Koi to ho jo mujhe iss tarah ka pyaara ho

Agar wujood meiN aahang hai to wasl bhi hai
MaiN chahey nazm ka tukra, woh nasr-paara ho

By: Parveen Shakir

93

Re: Meri Pasand ki 10 Ghazlen / Nazmen (madz124)

Hum ghoom chuke basti ban meiN
Ik aas ki phaans liye mann meiN
Koi saajan ho, koi piyaara ho
Koi deepak ho, koi taara ho
Jab jiwan raat andheri ho

Ik baar kaho tum meri ho

Jab saawan baadal chaaye hoN
Jab phaagan phool khilaaye hoN
Jab chanda roop lutaata ho
Jab suraj dhoop nahaata ho
Ya shaam nay basti ghairi ho

Ik baar kaho tum meri ho

Haan dil ka daaman phaila hai
kyuN gori ka dil maila hai
Hum kab tak peet ke dhoke meiN
Tum kab tak door jharoke meiN
Kab deed say dil ko sairi ho

Ik baar kaho tum meri ho

Kiya jhagra sood khasare ka
Ye kaaj nahi banjaare ka
Sab sona roopa lay jaaye
Sab duniya, duniya lay jaaye
Tum aik mujhe bohteri ho

Ik baar kaho tum meri ho

By: Ibn-e-Insha

94

Re: Meri Pasand ki 10 Ghazlen / Nazmen (madz124)

:k:

pir woh mohabbat nahi hogi… :hmmm:

95

Re: Meri Pasand ki 10 Ghazlen / Nazmen (madz124)

lagta hai parveen shakir aap ki fav hai

96

Re: Meri Pasand ki 10 Ghazlen / Nazmen (madz124)

:/ is it that obvious?

97

Re: Meri Pasand ki 10 Ghazlen / Nazmen (madz124)

mohabbat kyon nahi hogi?

98

Re: Meri Pasand ki 10 Ghazlen / Nazmen (madz124)

aesay ehsan aur sharait mohabbat main nahi hoti...

99

Re: Meri Pasand ki 10 Ghazlen / Nazmen (madz124)

Khalil ullah Farooqi… I used to listen to his program in college days… He was quite popular in those days. Then he joined TV :bummer: edited script of Umera Ahmed’s ‘Husna aur Husn Ara’

100

Re: Meri Pasand ki 10 Ghazlen / Nazmen (madz124)

achi ghazal hai.. lekin itni suni sunai gai hai ke asar kho bethi...