Meri Pasand ki 10 Ghazlen / Nazmen (madz124)

Arts & Culture Poetry ( Intikhaab & Sho'ra-e-Gupshup)

ehsan January 26, 2014, 8:07am 30

Re: Meri Pasand ki 10 Ghazlen / Nazmen (madz124)

out of curiosity

Dasht-e-tanhaai mein, ai jaan-e-jahaan, larzaan hain
Teri avaaz ke saaye,
Tere honthon ke saraab

Dasht-e-tanhaai mein,
Duri ke khas-o-khaak tale
Khil rahe hain tere pehlu ke saman aur gulaab

Uth rahi hai kahin qurbat se
Teri saans ki aanch
Apani khushbuu mein sulagti hui
Maddham maddham

Dur ufaq paar chamakati hui
Qatra qatra
Gir rahi hai teri dil daar nazar ki shabnam

Is qadar pyaar se ai jaan-e jahaan rakkhaa hai
Dil ke rukhsaar pe
Is waqt teri yaad ne haath

Yun gumaan hota hai
Garchay hai abhi subah-e-firaaq
Dhal gaya hijr ka din
Aa bhi gayi vasl ki raat

By: Faiz Ahmed Faiz

Top class. :k:

show post in topic

Home
Categories
Guidelines

Powered by Discourse, best viewed with JavaScript enabled