Meri Pasand ki 10 Ghazlen / Nazmen (ehsan uncle)

[tarash]

Re: Meri Pasand ki 10 Ghazlen / Nazmen (ehsan uncle)

@ehsan

Seventh ghazal by one and only Ahmed Faaraz, made legend by the mastero Mehdi Hassan

**ranjish hii sahii dil hii dukhaane ke liye aa
aa phir se mujhe chhor ke jaane ke liye aa

pahale se maraasim na sahii phir bhii kabhii to
rasm-o-rahe duniyaa hii niibhaane ke liye aa

kis kis ko bataayenge judaaii kaa sabab hum
tuu mujh se Khafaa hai to zamaane ke liye aa

kuchh to mere pindaar-e-muhabbat ka bharam rakh
tuu bhii to kabhii mujh ko manaane ke liye aa

ek umr se huu.N lazzat-e-giriyaa se bhii maharuum
ai raahat-e-jaan mujh ko rulaane ke liye aa

ab tak dil-e-Khush_faham ko tujh se hain ummiiden
ye aaKhirii shammen bhii bujhaane ke liye aa **

is ghazal ka kon sa shehr aap ko ziada pasand hai