**Meri khamosh zindagi ki dastan
na janay kab likhi jaye gi
laikin meri soch is agahi ka ehsas dilati hay
k jab lafz andhiyon k safar pay
zard rang ki chadarh orhay
khud ko hawaoon say bachatay huway
mujh tak pohanchain gay
to shahyad
meri ankhain nam par jayein
doobtay huway ansoo meri ankhon main tairnay lag jayein
laikin main jante hoon
yeh ansoo mahaz mujh say khailtay hain
mera mazak uratay hain
yeh ansoo gir saktay nahin
apni haqeeqat chupatay hain
aur apna chehra dikhanay say dartay hain
aur jantay hain k
gar main ro pari tu
mera munjamid wajood
toot k pighal jaye ga
aur shahyad main muskana seekh jaoon ge
hansna bolna gana seekh jaoon ge
islie meray ansoo
mahaz mujh say khailtay hain**
