Meri hum nafas meri humsafar
Tumhain waqt kabhi jo milay agar
Koi aik lamha mujhay bakhsh do
Meray shanon pay tum rakh k sir
Yeh mera ishq yeh meri wafa
Tum ho ab tak jiss say bay khabar
tumhain saath apnay baha na lay
meray junoon ki tez jo chali leher
mera RUB mujhay jo bakhsh day
chund lamhay aur hayat kay
main who saray lamhay kaat don
tujhay soch kar tujhay dekh kar
kabhi chaand ki chodhwin raat main
tera anchal monh pay orrh lon
mujhay aik baar sula day to
yeh hath baalon main pher kar
mujhay geet koi kio bhala lagay
mujhay rung koi bhi bhayay kio
teri chooriyon ka surr sunon
jeon main, hinayi hath dekh kar
teri banhon kay hisaar main
mujhay zindagi hai guzarni
teri ankh kay moti moal lon
apni har khushi main baich kar
mujhay aur kuch nahi mangna
apnay RUB-E-ZULJALAL say
teri zindagi ko barha day woh
meri sansain uss me daal kar
MERI HUM NAFAS MERI HUM SAFAR
TUMHAIN WAQT KABHI JO MILAY AGAR
PATA NAHI JALDI JALDI MAIN KAISE LIKHI HO BUT I’D TO POST IT WARNA…
Deadsoul buhat achi hay :) itnay din baad aap nay kuch share kiya lekin itni na-umeedi? aisay nahi kertay, aisay nahi jeetay, her pal ko zindagi samagh ker jeena chahiyee. theek? humara Rub naraz huta hay mayoosi say... Allah Karim apko khush rakhay aur dono jahan ki mukamil khushiyoon say apka daman bhar day, itna kay aap say sambhalay na sambhlain!
Meri Dua Hay Aur Arzoo Bhee
Kay ZIndagi Main Tum Hameesha Bahar Dekho
Joo Phool Dekhoo Tu Muskura Day
Chaman Ko Dekhoo Tu Khil-khilla Day!
buhat buhat shukrya hosla afzayi ka
alfaz ki tarteeb chahay kuch bhi ho parhnay walay ko agar usski roh samajh ajayay to kia baat hai
thx alot again
aur jo log dosron ki khushyon k lye itni duayin kartay hain Allah un ka daman bhi khushyon say bhar daita hai meri bhi yehi dua hai k Allah app ko hamesha khush rakhay AMEEN
:~)