Re: Meri Diary Episode 3
I have never been able to decide if i like this piece or not but always had it in my collection. What do u think
*bhiid men ik ajanabii kaa saamanaa achchhaa lagaa
sab se chup kar vo kisii kaa dekhanaa achchhaa lagaa *
*surmaii aankhon ke niiche phuul se khilane lage
kahate kahate kuchh kisii kaa sochanaa achchhaa lagaa *
*baat to kuchh bhii nahii.n thii lekin us kaa ek dam
haath ko honthon pe rakh kar rokanaa achchhaa lagaa *
*chaay men chiinii milaanaa us ghaDii bhaayaa bahut
zeray lab vo muskuraataa shukriyaa achchhaa lagaa *
*dil men kitane ahad baandhe the bhulaane ke use
vo milaa to sab iraade toranaa achchhaa lagaa *
*beiraadaa lams kii vo sansanii pyaarii lagii
kam tavajjo aankh kaa vo dekhanaa achchhaa lagaa *
*niim shab kii Khaamushii me.n bhiigatii sarakon pe kal
terii yaadon ke jaalo men ghuumanaa achchhaa lagaa *
us uduu-e-jaan ko 'Amjad' mai.n buraa kaise kahuun
jab bhii aayaa saamane vo bevafaa achchhaa lagaa