zakhmi unglian
kamptay hont …
in se tum kiya kaho gi dost?
chalo mein tumhara saath deta hun …
mein tumharay isharon ka tarjumaan banta hun …
tum kaho mein mehsoos ker rha hun …
ankhon mein ansoo …
yaqeenan koi yaad aa rha ho ga !
papri jamay khushk hont …
yaqeenan barson se wafa ki piyasi ho !
tar tar daman …
yaqeenan kissi dost ko thukra ke
kissi bheriye pe etbaar kiya ho ga !
yeh tumharay pallu mein kiya bandha hai ?
kuch raddi se puranay kaghaz
in pe to kuch likha hai …
shaid kissi ka muhabbat nama …
kon tha woh ?
tumharay zakhmi honton ki muskurahat mein samjha nahien …
chalo is safhay pe likh ke batao …
muaf karna abhi qalam pas nahi
array tum apni zakhmi unglian ko kiun dukha rahi ho
awr yeh to tum ne apnay khun se likh diya …
" mujhay muaf ker do "
… mein samjha nahien …
tum ne kiya kia tha ?
muaf kerna mujhe kuch yaad nahi …
( shaid mein apna mazi yaad ker ke awr dukhna nahi chahta )
( shaid tum ab bhi bohat sunder ho )
( shaid mein ab bhi tum se bohat piyaar kerta hun )
( shaid yeh ansoo, yeh khoon mera hi hai )
( shaid mein yeh sab tumhein beta ke tumhein dukhana nahi chahta )
muaf kerna kahien kho gaya tha …
yeh kiya tum phir muskuranay lagien …
acha chalo mein tumhein tumhari manzil pe chor aaun
( array yeh meray kandhay pe sar rakh ke so hi gayee )
( shaid bohat thak gayee hai … meri bano !)
Azizi, aap pehley 2 threads open kar ke yuN gaey ke phir dikhaai hi nahi deeye...comments pe bhi to kuch comments hotey heiN na mere dost...kuch hamaari sunya aur kuch apni kahiye... :) Hum ney socha aap kuch sun hi nahi rahey to kuch bolney ka faeda??? :(
Azizi, aap pehley 2 threads open kar ke yuN gaey ke phir dikhaai hi nahi deeye...comments pe bhi to kuch comments hotey heiN na mere dost...kuch hamaari sunya aur kuch apni kahiye... :) Hum ney socha aap kuch sun hi nahi rahey to kuch bolney ka faeda??? :(
awww ..... bhai asal mein aaj kal im facing big issues and time kab kitna mile ga pta nahi hota so sorry na ....... bas kuch din esay chale ga ... phir aap ko shikayat nahi ho gi .... INSHALLAH ...... ab please comment dien na :)
Fasih script acha hey, lekin mujhey laga ke aek to kuch ziaada khinch gaya hey ye aur doosra presentation bhi kuch khaas nahi hey. Jab nazm bohat taveel ho jaati hey to us pe amooman control rakhna mushkil ho jaata hey aur wo parrhney waaley pe bhi acha ta'aassur nahi chorrti. Shaeri to naam hi is baat ka hey ke kuch lafzoN meiN kitaabeiN likh di jaeiN. Apney khayaalaat ko samaeitye, achey alfaaz ka chunaa kijeeye aur kam lafzoN meiN ziaada gehri baateiN kehney ki koshish kijeeye. Aap ke paas soch hey, bas isey thorra polish kijeeye :)
