http://i55.tinypic.com/25080gz.jpg
***Suno Larki …
**
Meri baatoon mein mat aana
Meri baaton mein aa kar tum
Koi bhi khwaab mat bun’na
Tumhari umer hi kya hai
Abhi tau feham ke rastay pe tum ne paun dharna hai
Abhi idraak ki seerhi se kaafi door ho tum
Tum mujh se baat tau kar lo
Mein tum se baat kar lunga
Magar yeh yaad rakhna tum
Meri baatoon mein mat aana
Issay tum intibaah samjho
Ya koi istida’a samjho
Ya meri iltija samjho
Meri baatoon mein mat aana …