Meri ankhon se mootiyon ko bahane wale
Khush na reh paaye ga tu mujh ko rulane wale
Aik din rung tere chehre ka bhi urh jaye ga
Ghor se sun mujhe rungon main urhrane wale
Jab tere chand ko lag jaye ga badi ka gahen
phir na chahen gen tujhe koi zamane wale
Meri yaaden na tujhe cheen se soone den gin
sun meri zaat se daman ko bachane wale
Kabhi tu waqt nachaye ga tujh ko bhi sungdil
Apne sadiq ko isharon pe nachane wale
Jab kabhi pyaar ki pehchan tujhe hojaye
Yaad Sadiq ko bhi kar lena bhulane wale
