Us ne jab bhi mujhe yaqeen dilaaya
Ke woh sirf mujh se muhabbat karti hai
Mein ne yaqeen kar liya
Lekin mein ne ussay agar kabhi
Doosre logoon se rasm-o-rah rakhne se mana kiya
Tu woh naraaz huwi
Aur us ne hamesha yehi kiya
Ke us ka kisi se bhi woh taluqq nahee jo mere sath hai
Aur yeh ke dosroo se tu bas duniya daari hai majbooran
Behar'haal agar phir bhi mujhe pasand nahee
Tu woh aeenda kisi se nahee milegi
Lekin kuch hi dinoo baad
Mein ne ussay phir kisi ke sath ek tafreehi park mein dekha
Woh donoo khoob bane sanware
Hathoon mein haath daalay
Hanste, muskurate, ird-gird ke mahool se taqreban la'taluqq
Chal rahe thay
Mujhe ek shadeed jhatka laga
Aur yun mehsoos huwa jaise sar mein bhonchal agaya ho
Paoon wazni hogaye aur jism bejaan
Saans lena dobhar hogaya
Mein ne apne kanpte huwe hathoon se
Peshaani per se paseena aur anhonn per se andhera saaf kiya
Aur kisi shikist khorda badshah ki tarah palat para
Jis ke pas kuch bhi na bacha ho, tan ke kaproo ke siwa
Agle din hazaar koshish ke bawajood mujh se raha na gaya
Aur mein ne pooch hi liya
Pehle tu us ne chonk ke aur thora ghabra ke mujhe dekha
Aur phir hanste huwe kaha
Aray woh.... woh tu ahmaq buddhoo sa ...
Mein tu bas boreyat door karne ki khatir...
Tum bhi, tum kitne pagal ho... yeh keh kar woh hansne lagi
Khilkhilaane lagi
Mein bhi us ke saath hi hansne laga
Pata nahee khushi se ya dukh se yaad nahee
Albatta, itna yaad hai ke hanste hanste
Meri aankhain aanso'oun se bhar gaeen...
Zabardast :k:
Beautiful.
Very Deep and Touchy!
bahut khoob Ab janay logh itnay pagal kyo hotay hain!
**daagh duniyaa ne diye zakhm zamaane se mile
ham ko ye tohafe tumhe dost banaane se mile
ham tarasate hii taraste hii tarasate hii rahe
vo falaane se falaane se falaane se mile
Khud se mil jaate to chaahat kaa bharam rah jaataa
kyaa mile aap jo logon ke milaane se mile
kaise maane ke unhein bhool gayaa tu ai 'Kaif'
un ke Khat aaj hamein tere sarahaane se mile
**
wah.. beautifull
Nice :k:
Beautiful :k::k: