Suno…!
Mujhey ma’loom hey asaan lagta hey
tumheiN raaheiN badal lena
koi bhi moR muR jaana
kisi manzil ko tohkar maar kar waapis chaley aana
ya manzil ko faqat ik junbish-e-lab sey
buhat nazdeek le aana
**mujhey maloom hey **
buhat asaan hey tum ko palat jaana
merii tum be-bassi dekho
mujhey tum sey mohabbat k siwaa kuch nahi aata
magar iss meiN bhi kab koi qareena seekh paai meiN
ye dekho aankh rona chahti hey
phir bhi banjar hey
ye dekho haath kitney sard hein merey
ye dekho dil ki dharkan kis tarah
tarteeb khoh kar doobney ko hey
ye dekho mera aanchal haathoN sey phissal kar urr geya kab sey
ye dekho saans ki dorri bhi mujhsey chuhtney ko hey
merey ehsaas ka resham ulajh kar tootney ko hey
mujhey tou ye hunar bilkul nahi aata
k kaesey apney zakhmoN ko chuhpaatey heiN
ya kaesey dard ko darmaaN banaatey heiN
**ya kaesi roothttei saansoN ka daaman **
thaam kar waapis bulaatey heiN
buhat be-khaawab aur weeran mosam meiN
khafa neendoN ko kya kah kar manaatey heiN
mujhey ye hunar bilkul nahi aata
k kaesey apney mar jaaney pe nohey aap kartey heiN
yaa apney hi galey lag kar dilaasa kaesey bantey heiN
phir apni hi laash ko kaesey
kisi paayaab dariya…
ya kisi adh-bujhi taaza chitaa meiN jhohnk detey heiN
ya phir aakaash ke neechey khula hi chohr detey heiN
mujhey tou ye hunar bilkul nahi aata
ke kaesey zard mousam meiN
kisi bhi sard aur be-dard mousam meiN
khushi ka aik bhi Ghuncha
bhala kaesey khilaatey heiN
ya kaesey aadhey rastey sey gharoN ko louT jaatey heiN
mujhey bilkul nahi aata
mujhey tum sey mohabbat ke siwa
( magar wuh bhi kahaaN aai )
koi hunar bilkul nahi aata..!!
Re: – merey ehsaas ka resham ulajh kar tootney ko hey –
Simply Beautiful :k:
Re: – merey ehsaas ka resham ulajh kar tootney ko hey –
zaberdast :k:
Re: – merey ehsaas ka resham ulajh kar tootney ko hey –
:k:
Re: -- merey ehsaas ka resham ulajh kar tootney ko hey --
moshkel words:ASA:
Re: – merey ehsaas ka resham ulajh kar tootney ko hey –
awesome sharing 
Re: -- merey ehsaas ka resham ulajh kar tootney ko hey --
uncle jo semg ae he mere ko beh semgao:ASA:
Re: -- merey ehsaas ka resham ulajh kar tootney ko hey --
:) abhi tak sudhray nahi ho aap :ASA:
mushkil alfaaz identify karo pehlay :)
Re: -- merey ehsaas ka resham ulajh kar tootney ko hey --
Zabardast Sharing Gul :~)
Re: – merey ehsaas ka resham ulajh kar tootney ko hey –
too gudd gul :k:
Re: – merey ehsaas ka resham ulajh kar tootney ko hey –
Excellent GuL-e-Tasbeeh..:k:
Re: -- merey ehsaas ka resham ulajh kar tootney ko hey --
what else but class from GUL! by the way, is it urs Gul? :)
Re: – merey ehsaas ka resham ulajh kar tootney ko hey –
sare peom he moshkel he 
Re: -- merey ehsaas ka resham ulajh kar tootney ko hey --
Umda SharinG
Re: – merey ehsaas ka resham ulajh kar tootney ko hey –
Beeeautifulll Gul…
Thnx 4 Sharing 
Re: -- merey ehsaas ka resham ulajh kar tootney ko hey --
what else but class from GUL! by the way, is it urs Gul? :)
Nahi its by Kanwal, apni hoti tou naam likhti :-d
Thanks guys for liking it, wadey shaairs ko tou har koi parhta hey, meiN new commer ko support kar rahi hooN :-)
Re: -- merey ehsaas ka resham ulajh kar tootney ko hey --
ke kaesey zard mousam meiN
kisi bhi sard aur be-dard mousam meiN
khushi ka aik bhi Ghuncha
bhala kaesey khilaatey heiN
ya kaesey aadhey rastey sey gharoN ko louT jaatey heiN
mujhey bilkul nahi aata
**mujhey tum sey mohabbat ke siwa
v nice sharing Gul aur ye kanwal koN hia:)
**
Re: -- merey ehsaas ka resham ulajh kar tootney ko hey --
Uff, itni depressing. main pehle hi depressed thi :(