merey aangan main jab bay'loN k pattay toot jatay haiN

[tum_bin_1]

Re: merey aangan main jab bay’loN k pattay toot jatay haiN

@Koyal

tanaa’oo maiN jab aa ja’yeN to dhagay toot jatay haiN
zara si baat per da’reena rishtay toot jatay haiN

tumhaiN is baat per hay’rat k toota hai hamara dil
muqabil jab k hooN pather to sheeshay toot jatay haiN

guzertay waqt se cheezaiN purani ho hi jati haiN
diloN per may’el perhti hai to jazbay toot jatay haiN

hazarooN khwahishen tarteeb pati hain khay’aalon maiN
mager jab aankh khulti hai to jazbay toot jatay haiN

uma’ed atay haiN jhuri’yon main hazaroN dukh zamanay k
guzer ker umr ke hissay se chehray toot jatay haiN

na janay ke’yun tumhari yaad ati hai mujhay us dam
merey aangan main jab bay’loN k pattay toot jatay haiN

dukhon maiN to nikal atay hain ankhoN se zaheer aansu
khushi ke mosmooN maiN bhi kinaray toot jatay haiN

Bohat he khubsurat Ghazal hai :k:
zaberdast :k: