mere vaalid kii Ghazal merii aawaaz meN

Arts & Culture Poetry ( Intikhaab & Sho'ra-e-Gupshup)
1

**salaam dosto,

aaj maiN apne vaalid e moHtaram janaab e marHoom janaab e Ali Z. Usmanii saaHib ke she’rii majmoo’a** “motiyaaN” **se ek Ghair muraddaf Ghazal le kar aapkii Khidmat meN vaarid huaa huN. ummeed hai aapko pasand aayegii. aapkii aaraa kaa shiddat se intezaar rahegaa. shukria.

to, Ghazal mulaaHizah aur samaa’at farmaaiye…sorry for ‘not so good quality’ of the audio:**

AUDIO LINK: Koii baat abhii huii hai k guzar gaye zamaane…complete by jhumroo on SoundCloud - Create, record and share your sounds for free

1.**
koii baat abhii huii hai k guzar gaye zamaane
vohii merii Khud_farebii, vohii aapke bahaane

yeh palak se chaand hii tak haiN sunehre taar tere
tu kise sunaa rahii hai merii chash-e-tar taraane

mire waaqi’aat ab tak haiN usii taraH ke saare
k suno to ik Haqeeqat, na suno to sab fasaane

mujhe hogaa koii dhokaa, na tumheN maza milegaa
mire dil ko ab na chheRo kisii cheez ke bahaane

tu yahaaN nahiiN yeh sach hai, maiN yehiiN huuN yeh bhii sach hai
mire dil ke faisle ko merii aaNkh bhii to maane!

tiraa Husn-e-be-niyaazii hai bahot qareeb mujh se
nahiiN door ab k yeh dil tiraa dard bhii na jaane

yeh nigaah door tak thii k chaman pe barq chamkii
isii raushnii meN mujhko nazar aaye aashiyaane

terii raHmatoN ke sadqe, mirii zeHmateN haiN tujh se
mujhe dekh le jo pahle to gunaah_gaar jaane

Ghazal kii Khowaandagii aur samaa’at ke liye shukr guzaar hai banda-e-naa_cheez :slight_smile:

Allah Haafiz,

faqat Khaak-e-paa,
_______Hashmat**

2

Re: mere vaalid kii Ghazal merii aawaaz meN

wow KKF. lovely :lajawab: Thanks for sharing :k:

3

Re: mere vaalid kii Ghazal merii aawaaz meN

Excellent.

Thanks for sharing. I could not listen to audio though. Blocked at work.

4

Re: mere vaalid kii Ghazal merii aawaaz meN

TLK, KKF’s voice is just amazing :k:

5

Re: mere vaalid kii Ghazal merii aawaaz meN

hain rafi sahab ke fan aur id jhumaroo naamse banai hai

6

Re: mere vaalid kii Ghazal merii aawaaz meN

u r most welcome, Muqwii Bhai :slight_smile:

thank you TLK. sure, no problem…take your tim e :slight_smile:

majjaak maaring kia? aawaaz ko maareN goli, yeh bataaiye k tarz kaisii thii? :slight_smile:

are bhai, donoN hii legend the…ek ser to dusra savaa ser magar donoN hii ser the :slight_smile: hai na?

7

Re: mere vaalid kii Ghazal merii aawaaz meN

KKF Kalam, adaigi, awaz sab :lajawab: tha.

8

Re: mere vaalid kii Ghazal merii aawaaz meN

thank you…lo ji, yeh sab kah kar aap to ab phaNs gaye…ab mazeed sunnaa paRega…sar dard kii davaa le aaiye…500 tablets kii ek botal le aaiye…yaa phir…achchhii quality kaa ear-muffs! :smiley: :cb:

9

Re: mere vaalid kii Ghazal merii aawaaz meN

Hum huma tan gosh hain.. itni buri cheezon ke baad achi cheez khud sir dard ka ilaaj bun jati hai :cb:

10

Re: mere vaalid kii Ghazal merii aawaaz meN

to, Huzoor-e-waalaa, merii aawaaz sun kar ‘hama-tan gosh’ se ‘hama-tan Khargosh’ bannne kaa iraada-e-musammam kiyaa huaa hai :cb: :smiley: j/k :slight_smile:

11

Re: mere vaalid kii Ghazal merii aawaaz meN

:lajawab:
;AKHRI SHAI AARZ HI; lagta hi mere baat sun k add kia:cb:

ghazal bohat khobsurat hi :barbie:awaz bolnee mi achi mere tara:cb:

12

Re: mere vaalid kii Ghazal merii aawaaz meN

Bohat Umdah........

13

Re: mere vaalid kii Ghazal merii aawaaz meN

:k:

14

Re: mere vaalid kii Ghazal merii aawaaz meN

thank you Jiia…aawaaz? …lol…hehe!

shukria janaab :slight_smile:

:hat:

15

Re: mere vaalid kii Ghazal merii aawaaz meN

Bauhat aala. :k:

16

Re: mere vaalid kii Ghazal merii aawaaz meN

:salam: pasandeedgii aur sitaaish ke liye hazaar_haa shukriya. :slight_smile:

17

Re: mere vaalid kii Ghazal merii aawaaz meN

sing a songgggggggg

18

Re: mere vaalid kii Ghazal merii aawaaz meN


kaun saa? hehe

19

Re: mere vaalid kii Ghazal merii aawaaz meN

**NICE SHARING

mire waaqi'aat ab tak haiN usii taraH ke saare
k suno to ik Haqeeqat, na suno to sab fasaane
**

20

Re: mere vaalid kii Ghazal merii aawaaz meN


thank you Doll saaHiba :)