**Muflis ki jageer tha jaanam, pyar tumhara lekin
Chale gaye ho jab se tum raha na kuch lutaane ko
Kitne pyar se aaye they mehfil mein le teri hum
Kis nafrat se tu ne mujh ko keh diya hai jaane ko
Mere na hone se rahat huwi zamaane ko
Mitne wala mit gaya shohrat mili fasaney ko
Takleefon se thak ke yaro soya hoon so jaane do
Shor na dalo zid na karo tum mujh ko ab jagaane ko
Qabr pe meri aaye hain woh kitni naz-o-ada se
Tarap tarap ke mara tha main, lo phir aaye tarpaane ko
Saari umer suni bus teri apni kuch na keh paaye
Aaj jo sun-ne baithe ho to dill na kare sunaane ko
Mana ke nadamat hai tum ko per dair zara si kar dali
Main ab na maanu ga kyun aaye ho manaane ko..**
