Kuch bhi tau nahee badla
Aaj bhi sab kuch wohi tau hai
Wohi aasmaaN wohi baadal wohi aansoo
Wohi raat wohi yaadaiN wohi andhera
wohi shaam wohi shama wohi aarzoo
Dharti bhi arz bhi wohi, gaggan bhi samaan bhi wohi
Kuch bhi tau nahee badla
Aaj bhi sab kuch wohi tau hai…
Wohi tanhayee wohi weeraani wohi san’naatta
Wohi falak wohi sitaray wohi beqaraari
Wohi faaslay wohi dooreyaaN wohi ajnabeyyat
Tum ab bhi waheeN ho jahaaN hamaisha thay
Kuch bhi tau nahee badla
Aaj bhi sab kuch wohi tau hai…
Wohi dil wohi jaaN wohi dharkan
Wohi tasveer wohi khwahish wohi armaaN
Wohi baat wohi khushboo wohi rang
MaiN ab bhi waheeN hooN aur tum ab bhi waheeN
Kuch bhi tau nahee badla
Aaj bhi sab kuch wohi tau hai…
Wohi pyar wohi zindagi wohi muhabbat
Wohi geet wohi ghazal wohi naghma
Wohi mausam wohi phool wohi mehak
Mere leye tum aaj bhi wohi ho kal bhi wohi rahogay
Kuch bhi tau nahee badla
Aaj bhi sab kuch wohi tau hai…
Wohi galeyyaaN wohi koochay wohi makaaN
Wohi tamanna wohi ek baam-o-dar
Wohi aas wohi aik hi raah guzar
RaahaiN aaj bhi tumhaiN hi pukaara karti hain
Kuch bhi tau nahee badla
Aaj bhi sab kuch wohi tau hai…
Zindagi ke yeh lamhay aaj bhi waheen khaRay haiN
Chand ghaRRioN pe waqt jaise ruk gaya ho
Manzil ke rastay mein yeh morr aaj bhi sadayaiN dete haiN
Mera aaj bhi wohi hai jo mera kal thaa
Kuch bhi tau nahee badla
Aaj bhi sab kuch wohi tau hai…