http://i52.tinypic.com/dvj7lh.jpg
**
Mere Hamdam, mujhe tum ne bhala kaise bhulaaya hai
Koi tarkeeb koi gurr, koi nuskha
Humein bhi tau inaayat ho
Ke mein tau jab bhi aisa
Sochna aaghaaz karti hoon
Meri saanain ukharti hain
Azzeyyat ki seyah chaadar
Wujood-e-zindagi ke nikhray rangoon ki baharain
Dhaanp laiti hain
Judai ka tassavur dil ke deewaroon ko
Apne nakhanoon se chaid daita hai
Mere hamdan mein tum ko bhoolna chaahun tau
Phir mujh se hawayain rooth jaati hain
Barasti baarishain mujh se
Muhabbat ke maraasim torr laiti hain
Wafa’ain ajnabi aankhoon se takti hain
Haseen mausam mere dil ki gali ka
Raasta hi bhool jatay hain
Mere tan per sajay sab rang
Apne aap ko kho kar achanak bujhne lagte hain
Mujhe weeran kartay hain
Mere hamdam mujhe tum ne bhala kaise bhulaaya thaa …
**
