saroo
1
mere ham nafas mere ham navaa mujhe dost banake dagaa na de
main huun dard e ishq se jaan valab mujhe zindagii kii duaa na de
mere daag e dil se hai raushani usii raushanii se hai zindagii
mujhe dar hai aye mere chaaraagar ye charaag tuu hii bujhaa na de
mujhe chhor de mere haal par teraa kyaa bharosaa hai chaaraagar
ye terii nawaazish e muKhtasar meraa dard aur barhaa na de
meraa azm itanaa buland hai ke paraaye sholon kaa dar nahin
mujhe Khauf aatish e gul se hai ye kahin chaman ko jalaa na de
kadrdan
2
Re: Mere ham nafas
Farida Khanam sahiba ki awaaz mein yeh ghazal suniye to kya hi lutf ---
"Keerti Anjaam" key kuchh sher arz hai.......
Zamin sey khaak utthi aasman tak
kahan ki baat ja pahunchi kahan tak
Jo aaye Shaikh to saaki ne poochha
yeh pakeeza kadam kaisey yahan tak
Aur Saahil Sahebka ek sher----
Gair sey bhi woh roothtey hain kabhi
Sochta hoon meri khata to nahin
Amal
3
Re: Mere ham nafas
Lovely:k:…Looks like Bashir Badar’s work. Thanx for sharing saroo.
Re: Mere ham nafas
:k: …lovely ..thanx 4 sharing saro dear 
Re: Mere ham nafas
Mohtaram yeah ghazal janab shakeel badayuuni ki hai
aur iss ka maqta kuchh yun hai:
woh uthay hain le ke khum o subuu aray o shakeel kahaNhai tuu
tera jaam lenay ko bazm main koee aur haath baRha na de
to keep the record straight.
shukriyaa
Sham
nakhan
9
Re: Mere ham nafas
thanks Mirza Sb. for the information
saroo
11
Re: Mere ham nafas
Thanks all for pasanding ......... thaks M ruswaa for the info .........