YadooN k dareechooN say jkhankooN
** To aj bhi wo lamhay yaad aatay haiN**
** Us raat jab chaand nahi nikla tha or badal**
** Subuk raftari say sitarooN ko apni oot liyay ja rahay thay**
** Sarak kinaray do-roya darakht ser jhukay**
** Kisi gehri sooch maiN gum thay**
** Lagta tha ro rahay haiN ya abhi ro paraiN gay**
** Un ki khamooshi say mera dil baykal**
** Or meray humsafer nay do bar mujh say poocha**
** Tum chup kuen ho?**
** Or mujhay youn laga jaisay**
** Been kerti hawa’aiN or rotay shajer dam sadhay**
** Meray jawab k muntazir haiN**
** Or meray “kuch nahiN” per wo phir say saans lenay lagay**
** Moot say sunsan safer k ikhtetam per hum gher pohonchay**
** Fon ki ghanti baj uthi**
** Or payamber nay bataya**
** KarorooN ki aabadi k is zinda shehr maiN**
** Us ki sansaiN shamil nahiN haiN**
** Matmi hawaooN nay khirkiyooN k sheeshooN say ser patkha**
** Or barish tap tap kerti**
** DHuaaN dhar ronay lagi**
** Or maiN !!!**
