Buhat dino baad mujhe Obaid Ullah Aleem ki ye nazm buhat yaad ai..
Meray Khudaya! main zindagi kay azaab likhoon ke
khawab likhoon
Ye mera chehra, ye meri ankain
BujhY hu-ay say charagh jaysay
Jo phIr say jalnay kay muntazir haun
Vo Chand chehra, Sitara ankhain
Vo meharbaan sayadaar zulfain
Jinhoun nay payman keAY thay mujh say
rafaqaton kay, mohabaton kay
Kaha tha mujh say ke ay musafir rahe vafaa kay
Jahan bhI ja’ay ga hum bhee aian gay saath tere
Banain gay raaton main chandni hum
to din main saa’ye bakhair dain ge
Vo chand chehra, sitara ankhain
Vo meharbaan sayadar zulfain
Vo apnay payman rafaqaton kay mohabaton kay
Shikast kar kay
Na jaanay ab kiss key rehguzar ka minara roshni hu’ay hain
Magar musafir ko kya khabar hay
Vo chand chehra to bujh gaya hay
Sitara ankhain to so gai hain
Vo zulfain bay sayaah ho gai hain
Vo roshni or voh saye meri ata thay
So mere raahon main aaj bhi hain
ke main musafir rahe vafaa ka
Vo chand chehra, sitara ankhain
Vo meharbaan sayadaar zulfain
Hazaaron chehron, hazaaron ankhain
Hazaaron zulfon ka aik selaab-e-tund lay kar
mere ta’aqub main Aa rahay hain
Her aik chehra hay chand chehra
Hain saari ankhain sitara ankhain
Tamaam hain Meharbaan saayah daar zulfain
Main kiss ko chahoon, main kiss ko choomon
Main kiss kay saye main baith jaon
bachoon ke toofan main doob jaon
Ke mera chehra, na mere ankhain
Mera Khudaya! main zindagi kay azaab likhoon ke
khawab likhoon
–