Teray Faraq K Lamhay Shumar Kartay Huye -=- Bikhar Gaye Hain Tera Intezar Kartay Huye
To Mein Bhi Khush Hon Koi Us Se Ja K Keh Dena -=- Ager Woh Khush Hai Mujhey BeQarar Kartay Huye
Mein Muskurata Hua Aainay Mein Ubhronga -=- Woh Ro Paray Gi Achanak Singhar Kartay Huye
Tumhien Khabar Hi Nahi Hai Koi Toot Gaya -=- Mohabbaton Buhat Paidaar Kartay Huye
Woh Kehti Thi Samandar Nahi Hain Aankhein Hain -=- Mein Un Mein Doob Gaya Aitebar Kartay Huye
Mujhey Khabar Thi K Ab Loat Kar Na Aaonga -=- Tujh Ko Yaad Kia Dard Ko Paar Kartay Huye
-=EnD=- (Wasi Shah)
Khizan Ki Rut
Khizan Ki Rut Mein Lamha-e-Jamal Kaisay Aa Gaya -=- Ye Aaj Phir Singhar Ka Khayal Kaisay Aa Gaya
Hansi Ko Apni Sun K Aik Bar Mein Bhi Chonk Utha -=- Ye Mujh Mein Dukh Chupanay Ka Kamal Kaisay Aa Gaya
Woh Rasm Charah Saazi-e-Junoon To Khatam Ho Chuki -=- Ye Dil K Naam Harf Ind Maal Kaisay Aa Gaya
Abhi To Dhoop Rozan Qafas Se Koso`n Door Thi -=- Abhi Se Aftaab Ko Zawal Kaisay Aa Gaya
Judaiyon K Zakhm To Suna K Bhar Chalay Thay Phir -=- Badan K Haath Nakhun Wisaal Kaisay Aa Gaya
Tamam Qainaat Azal Se Aaino Ki Zad Pe Thi -=- Hujoom-e-Aks Mein Ye Be Misaal Kaisay Aa Gaya
-=EnD=- (Parveen Shakir)
Tumhien Jab Kabhi Milein Fursatein
Tumhien Jab Kabhi Milein Fursatein Meray Dil Say Bojh Utar Do -=- Main Buhat Dino Say Udaas Hon Mujhay Koi Sham Udhar Do
Mujhey Apnay Roop Ki Dhoop Do, K Chamak Sakein Meray Khad-o-Khaal -=- Mujhey Apnay Rang Main Rang Do, Meray Saray Rang Utar Do
Kisi Or Ko Meray Haal Say Na Gharaz Hai Na Koi Wasta -=- Main Bikhar Gaya Hon Samait Lo, Main Bigar Gaya Hon Sanwar Do
Meri Wehshaton Ko Barha Dia Hai Judaiyon K Aazaab Ne -=- Meray Dil Pay Hath Rakho Zara, Meri Dharkano Ko Qarar Do
Tumhien Subha Kaisi Lagi Kaho, Meri Khuwahishon K Dayar Mein -=- Jo Bhali Lagi To Yehin Raho, Isay Chahaton Se Nikhar Do
Wahan Ghar Main Koan Hai Muntazir K Fikar Ho Dair Sawair Ki -=- Bari Mukhtasir Si Ye Baat Hai Isi Chandni Main Guzar Do
Koi Baat Karni Hai Chand Se, Kisi Shakhsaar Ki O`ot Mein -=- Mujhey Rastay Mein Yehin Kahin Kisi Kunj-e-Gul Mein Utar Do
-=EnD=-
Isi Se Hota Hai Zahir
Isi Se Hota Hai Zahir Jo Haal Dard Ka Hai -=- Sabhi Ko Koi Na Koi Wabaal Dard Ka Hai
Sehar Sissaktay Huye Aasmaan Say Utri To -=- Dil Nay Jaan Lia Ye Bhi Saal Dard Ka Hai
Ab Is K Bad Koi Rabta Nahin Rakhna -=- Ye Baat Tay Hui Laikin Sawal Dard Ka Hai
Ye Dil, Ye Ujri Hui Chashm-e-Nam, Ye Tanhai -=- Hamaray Pass To Jo Bhi Hai Maal Dard Ka Hai
Hum Us Ko Dekhtay Jatay Hain, Rotay Jatay Hain -=- Ye Sehan-e-Shab Mein Para Hai Thaal Dard Ka Hai
Wohin Kahin Kisi Ghati Mein Tera HijR Bhi Hai -=- Meray Lahoo Say Jahan Ittisaal Dard Ka Hai
Nafas Nafas Pay Paray Aablon Say Lagta Hai -=- Na Janay Rooh Main Kab Say Ubaal Dard Ka Hai
Kisi Nay Poocha K Buhat Haseen Ho Tum -=- To Muskura K Kahan Sab Jamal Dard Ka Hai
Mera Zikar Na Karna
Dukh Dard K Maron Se Mera Zikar Na Karna -=- Ghar Jao To Meray Yaaron Se Mera Zikar Na Karna
Woh Zabt Na Kar Paingey Aankhon K Samandar -=- Tum GuzarGahon Se Mera Zikar Na Karna
Phoolon K Nasheman Main Raha Hon Sada Se -=- Dekho Kabhi Kharon Se Mera Zikar Na Karna
Shahyad Ye Andhairay Hi Mujhey Rah Dikhaien -=- Ab Chand Sitaron Se Mera Zikar Na Karna
Woh Meri Kahani Ko Ghalat Rang Na De Dein -=- Afsana Nigaaron Se Mera Zikar Na Karna
Shayad Woh Meray Haal Pe BeSakhta Ro Dein -=- Is Bar Baharon Se Mera Zikar Na Karna
Lay Jaingey Gehrai Mein Tum Ko Bhi Baha Kar -=- Darya K Kinaron Se Mera Zikar Na Karna
Woh Shakhs Milay To Usay Har Baat Batana -=- Tum Sirf Isharon Se Mera Zikar Na Karna
Dilsay
7
Worth reading it again nice and thanks for sharing
Dilsay
11
Very nice again and welcome to GS hope you will have a nice stay and keep contributing
Sehar
12
Kindly please open only TWO threads per day. Shukriya