merā mālik jab taufīq arzānī kartā hai
gahre zard zamīn kī rangat dhānī kartā hai
bujhte hue diye kī lau aur bhīgī aankh ke biich
koī to hai jo ḳhvābon kī nigarānī kartā hai
mālik se aur miTTī se aur maan se bāġhī shaḳhs
dard ke har mīsāq se rū-gardānī kartā hai
yādon se aur ḳhvābon se aur ummīdon se rabt
ho jaa.e to jiine men āsānī kartā hai
kyā jaane kab kis saa.at men tab.a ravān ho jaa.e
ye dariyā be-mausam bhī tuġhyānī kartā hai
dil pāgal hai roz na.ī nādānī kartā hai
aag men aag milātā hai phir paanī kartā hai
Restored attachments: