Mera kuch samaan tumhare paas pada hain,
Saavan ke kuch bheege bheege din rakhe hain,
Aur mere ek khat mein lipti raat padi hai,
Woh raat bhula do, mera woh samaan lauta do
Patjhad hain kuch .... hain na?
Patjhad mein kuch patton ke girne ki aahat,
Kaanon mein ek baar pehan ke laut aayi thi,
Patjhad ki woh shaakh abhi tak kanp rahii hai,
Woh shaakh gira do, mera woh samaan lauta do ....
Ek akeli chhatri mein jab aadhe aadhe bheeg rahe thhe,
Aadhe sukhe aadhe geele, sukha to main le aayi thi,
Geela man shayad bistar ke paas pada ho
Woh bhijva do, meraa vo samaan lauTaa do...
Ek sau sola chaand ki raten, ek tumhaare kaandhe ka til,
Geeli mehndi ki khushbu, Jhoot-moot ke shikave kuchh,
Jhoot-moot ke vaade sab main yaad kara doon,
Sab bhijva do, mera woh samaan lauta do....
Ek ijaazat de do bas, jab is ko dafnauungi,
Main bhi vahin so jauungi,
Mai.n bhii vahii.n so jauungi....