aisa bhi nahi ke mujh se
mera sanam rooth gaya
per mera ye guroor,
mera bharam toot gaya
uski sochon mein kabhi,
mera khaka ban sa jata hu
naam mera, kabi khusho si ban ker
uskay wajood ko muyattar kerta hu
aur meray wajood ka ahsaas,
us ki hasti mein sama sa jata hu
garz ke wo khud mein rah ker bhi
wo nahi per mein ban jata hu
per usne kabhi samjha hi nahi,
us ne kabhi socha hi nahi,
us ne kabhi chaha hi nahi
mera bharam toot gaya
mein ne sirf apni hi maaneen
jhuki jhuki si us ki nazrain
khamoshi us ke laboon ki
wo laaj bhari muskrahat shayed
meri aamad ki khushamad thi
meri nazroon ka dhoka tha
thi meri samajh ki nadani
barq ka wo ahsaas jo
gardish-e-khon mein hota hai
wo meray naam ka na tha
meray ahsaas ka na tha
mera bharam toot gaya
ankhain jo band kerloon tu
kitna dard hota hai
ashk bhi bah hi jatay hain
dil bhi toot sa jata hai
awaz laraz si jati hai
wo bay khabar meri jaan
“kiya huwa” jo kahta hai
khud ko maar deta hoon mein
aur muskra deta hoon mein
aur phis se jab wo apni baat mein
kisi aur ki baat jo kerta hai
tab ye ahsaas hota hai
mera bharam toot gaya
Although i feel i have lost the words… what once i was able to i dont see it in me any longer …like i always say i have lost the reason …anyways just felt like writing something in morning & this was the result.
Thanx for the encouragement on even this peice of sh*t…Thank u all.
