Beshak Na Meray Sath Safar Ikhtiyar Kar
Aae Meray Badguma`n Mera Aitebar Kar
Woh Khud To Titliyon Ko Liye Ghoomta Raha
Or Mujh Ko Khat Mein Likhta Raha Intezar Kar
Ab Un K Qaflay To Kahin Door Ja Chukay Hain
Jin Ki Talab Mein Aaye Thay Sehra Guzaar Kar
Mein Ne To Teray HijR Ka Dukh Jhail Hi Liya
Ab Tu Bhi Khud Ko Waqf Raah-e-Intezar Kar
Kab Ho Saki Hai Un Ki Samandar Se Dosti
Mitti K In Gharondo`n Pe Kam Inhesaar Kar
Fursat Milay To Dekh Meray Dil K Aayinay
Aankhon Se Apni Kaghzi Parday Utaar Kar
-=EnD=-
Noshi Geelani
