*~* meiri bazm-e dil toh ujer chuke *~*

Arts & Culture Poetry ( Intikhaab & Sho'ra-e-Gupshup)
1

someone send me this beautiful poem toh mei nei socha ider hi post ker don sehee kia ?:slight_smile: mere ungleian ghisnei sei bach gei :stuck_out_tongue:

Teri RehmatoN kay diyaar mein teray baadloN ko pata nahiN
Abhii Aag Sard nahiN huwii abhii ik alaao bujhaa nahiN

Merii bazm-e-Dil tou Ujar chukii,mera farsh-e-jaan tou simat chuka
Sabhii Jaa chukay meray hum-nasheeN magar aik shakhs geya nahiN

Darr-o-baam sab nay sajaa liye, sabhii roshni meiN nahaa liye
Merii UngliyaaN bhii jhuhluss gaiiN magar ik charaagh jalaa nahiN

Jo Dil-o- nazar kaa suroor thaa meray paas Reh kay bhi duur thaa
wuhii ik Gulaab Umeed kaa Merii shakh-e- jaaN pe khilaa nahiN

Pas-e-kaarwaaN sar-e-Rehguzar meiN shikasta Pa huuN tou iss liye
ke Qadam tou sab say milaa liye Meraa dil kisi say milaa nahiN

Meraa hum-safar jo ajeeb hay tou ajeeb tar huN meiN aap bhii
mujhay manziloN ki khabar nahiN ussay RaastoN ka pataa nahiN

2

khoob :k: thanks for sharing

on a 2nd thought :wink:

Merii bazm-e-Dil tou Ujar chukii
achay hay na khass kam jahan pak:D

3

Re: ~ meiri bazm-e dil toh ujer chuke ~

[QUOTE]
Originally posted by *Masoom Muskaan: *
someone send me this beautiful poem toh mei nei socha ider hi post ker don sehee kia ?:) mere ungleian ghisnei sei bach gei :p

Meraa hum-safar jo ajeeb hay tou ajeeb tar huN meiN aap bhii
mujhay manziloN ki khabar nahiN ussay RaastoN ka pataa nahiN
[/QUOTE]

Now i know ka akhree shahair koyoo itna acha hoota hai... is liya ka ya baat ko mukamal karta hai... aur us kay baad kuch kahnay ko rahta nahi hai... bohat acha hai thanks for sharing...

4

Re: ~ meiri bazm-e dil toh ujer chuke ~

Meraa hum-safar jo ajeeb hay tou ajeeb tar huN meiN aap bhii
mujhay manziloN ki khabar nahiN ussay RaastoN ka pataa nahiN

nice hai… :k:

5

bahut hi khoobsoorat!

6

tareef na karna zeyaddati hogi :k:

7

bohat khoob mashoom g..thanks 4 sharin..:)

8

nice:k::k: