Assalam-o Alaikum to all
~~~* ~~~~~~~
Mein usse waqaf-e-ulfat na karoon
Socheta huuN buhat saada masoom hay wuh
Mein abhi ussko Shanaa-Saae Muhabbat na karoon
Rooh ko usski Aseer-e-Gham-e-ulfat na karoon
Ussko Ruswa na karoon waqaf-e-museebat na karoon
Socheta hoon keh abhi Ranj se azaad hai wuh
Waqaf-e-dard nahiin khogar Aalaam nahiin
Sehar Aesh mein uss ki asarr Shaam nahiin
Zindagi uss ke liye Zahar bhara jaam nahin
Socheta hoon keh muhabbat hai jawaani ki Khazaan
Uss ne dekha nahiin duniya mein bahaaron ke siwa
Nikhat-o-Noor labrez nizaaron ke siwa
Sabzah zaaron ke siwa, aur sitaaron ke siwa
Socheta hoon keh Gham-e-Dil na sunaaoon ussko
Saamne usske kabhi Raaz ko Aryaan na karoon
Khalish Dil se usse Dast-o-garebaan na karoon
Uss ke Jazbaat ko mein Shola-bad amaan na karoon
Socheta hoon keh Jalaa de gi Muhabbat ussko
Wuh muhabbat ki taab kahan laae gi
Khud tou wuh Aatish-e-jazbaat mein Jal jae gi
Aur duniya ko iss anjaam pe Tarpaae gi
socheta huuN buhat saada masoom hay wuh
mein usse waqaf-e-ulfat na karoon
~~~* ~~~~~~~
“Dream as if u live forever live as if u will die today”
[This message has been edited by Shaam-e-Firaq (edited January 26, 2002).]