***Haqeeqat hai yaqeen kar lo, mein ussay bhool kar khush hoon
Muhabbat mar chuki ab tau, mein ussay bhool kar khush hoon
Badalti rutt ki wajah se, tabeyyat kuch bojhal si hai
Yun mera haal mat poocho, mein ussay bhool kar khush hoon
Mere lehjay per mat chonko, meri aankhoon mein mat jhanko
Yun hairat se na dekho, mein ussay bhool kar khush hoon
Tumhein kya weham hai, kyon raat bhar milne nahe aateen
Ay meri neend ki pareyoo, mein ussay bhool kar khush hoon
Bhala kyon baahain phailaye, mujhse milne aati hain
Tum us ki yaad se keh do, mein ussay bhool kar khush hoon
Udaasi saare ghar mein phailti jaati hai gham ban kar
Dar-o-deewar per likh do, mein ussay bhool kar khush hoon …***