Mein tumhein yaad karti hoon
Tum se door
Jab udaasi mere band palkoon pe apne haath rakhti hai
Aur meri benae'ee ghehri kaasni rangoon se bhar jaati hai
Mein tumhein yaad karti hoon
Jab tanhaee mere seene pe haath rakhti hai
Aur so jaati hai
Aur mein issay jaga nahee sakti
Issay thappak bhi nahee sakti
Bas tumhein yaad karti hoon
Jab khaamoshi mere kaan chubhooti hai
Aur shorr mujh per hansta hai
Aur dukh mujhe kuch bhi nahee kehta
Be-zarrar ho jaata hai
Rukhsaroon pe behtay huwe aanso'oun ke nishanaat
Rait pe ghaseetay gaye badan ki lakeer
Aur aaeno'oun per parne waali daraarain
Jab mera hissa ban jaati hain
Mein tumhein bahut yaad karti hoon...
Wonderful
Bohat hi khoob....
Mein tumhein bahut yaad karti hoon...
Chahay jahan bhi rahoon tery sath rehtiN hooN!!
tumhaari yaad ke jab zaKhm bharane lagate haiN
kisi bahaane tumhaiN yaad karane lagate haiN