Aaj subh sey hi zubaan pe ye satr machal rahi thi: “MeiN ney us sey ye kaha…” Marhoom Habib Jalib sahab ki aek la’zawaal nazm. Socha aap sey bhi share kar looN:
MeiN ney us sey ye kaha
ye jo das carrorr heiN,
**** jehl ka nichorr heiN
inki fikr so gayi
har umeed ki kiran,
zulmatoN meiN kho gai
ye khabar darust hai,
inki maot ho gai
**be’shaoor log heiN
zindagi ka rog heiN
** aur terey paas hey
in ke dard ki dawa
meiN ney us sey ye kaha
**meiN ney us sey ye kaha **
Tu khuda ka noor hey
**** aql hey, shaoor hey
qaom tere saath hey
tere hi wajood se
mulk ki nijaat hey
tu hey mehr-e-subh-e-nao
tere baad raat hai!
bolte jo chand heiN
sab ye shar-pasand heiN
inki kheinch ley zubaaN
inka ghont de gala
meiN ney us sey ye kaha
meiN ney us sey ye kaha
**
Jin ko tha zubaaN pe naaz
chup heiN wo zubaaN-daraaz
cheiN hey samaaj meiN
bemisaal fark hay
kal meiN aur aaj meiN
apne kharch par heiN qaed**
log tere raaj meiN
meiN ney us sey ye kaha
meiN ney us sey ye kaha
**Aadmi hey wo barra
****ghar pe jo rahey parra
** jo panaah maang ley
uski bakhsh dey khata
meiN ney us sey ye kaha
meiN ney us sey ye kaha
** Cheen apna yaar hey
**us pe jaan nisaar hey
par wahaN jo hey nizaam
us taraf na jaaiyo
us ko door se salaam
das carrorr ye gadhe
jin ka naam hey awaam
kia banaiN ge hukmaraN
tu yaqeeN hey ye gumaaN
apni to duwa hey ye
sadr tu rahey sada
meiN ney us sey ye kaha
meiN ney us sey ye kaha!
**Habib Jalib
**
