:Umar ki Saari thakkan laad K ghar jata hoon,
Rat bister pe main sota nahi mar jata hoon.
Aksar aukaat bharay shaher k san’naty main,
is qadar zor say hansta hun k darr jata hun.
Mere aaney ki khabar sirf diya rakhta hai,
Main hawao’n ki tarah aa k guzar jata hun.
Dil thaher jata hai bhooli huwi manzil me kahin,
Main kisi doosrey raastey sey guzar jata hun.
Simta rehta hun bohat halka e ahbab me main,
Chaar diwari mein aatey hi bikhar jata hun.
Mein ney apney khilaf khud hi gawahi di hey “FAIZ”
Agar Woh tere haq mein nahi hey to mukar jata hoon.