Havis-e-Naseeb-e-Nazar Ko Kahin Qarar Nahin
Mein Muntazir Hoon Magar Tera Intezar Nahin
Hameen Say Rang-e-Gulistaan Hameen Say Rang-e-Bahar
Hameen Ko Nazm-e-Gulistan Pay Ikhtiyar Nahin
Abhi Na Cheair Muhabbat Kay Geet Aey Muttrib
Abhi Hayat Ka Mahool Khushgavar Nahin
Tumharey Ehd-eVafa Ko Mein Ehd Kya Samjhoon
Mujhay Khud APni Muhabbat Pay Aetibar Nahin
Na Jaaney Kitnay Giley Iss mein Muzztarib Hain Nadeem
Vo Ik Dil Jo Kisi Ka Gila Ghuzaar Nahin
Gureiz Ka nahin Qayel Hayat Say Laikin
Jo Sach Kahoon Kay Mujhay Maut Nagavar Nahin
Ye Kiss Muqam Pay Puhancha Diya Zamaney Nay
Kay Ab Hayat Pay Tera Bhi Ikhtiyar Nahin