Mein is hisaar say nikloon too aur kuch sochoon
Tumharey piyar say nikloon too aur kuch sochoon
Teri gali kay elawaa bhi aur qariyaye hein
Jo is diyar say nikloon too aur kuch sochoon
Tumharey hijar ki sadyan tumharey wasal kay din
Mein is shumar say nikloon too aur kuch sochoon
Racha hoa hay tera ishq meri pooron mein
Mein is khumar say nikloon too aur kuch sochoon
Yaye mera jism kay matam saraey hasrat hay
Mein is mazar say nikloon too aur kuch sochoon
Yaye mujh mein kon meray raat din sambhalta haye
Is ikhtiyar say nikloon too aur kuch sochoon
Tumharey jism ki khushboo nay kardiya mehsoor
Is aabshar say nikloon too aur kuch sochoon
Yaye bey qarari meri rooh ka ujala hay
Mein is qarar say nikloon too aur kuch soochon
Wasi Shah
