Mein Bhi Kitni Pagal Hon
aik din achanak hi
phone aa gya us ka
lehjay ki malamat se
ho raha tha sub zahir
ro raha tha shidat se
larkharatay lafzon se
kar raha tha baatein wo
tum kahan thi itnay din?
roz phone karta tha
baat tum se karni hai
jo bohat zaroori hai
khush nahin hon mein bhi kuch
pyar tera thukra kar
sara din tarapta hon
chain hi nahi milta
jagta hon shub bher mein
neend hi nahi aati
jo nahi kaha kal tak
aaj tum se kehta hoon
pyar tum se karta hon
mein nay phir kaha us se
mein na kehti thi tum se
Ek din toh aana hai
laut kar tumhein wapis
kaisay tum bina mere
zindagi guzaro ge
zinda toh rahoge par
zindagi na ho gi wo
ek ek lamhey mein
yaad meri aaye gi
doosri taraf se phir
Qehqaha sa aaya ek
aur wo laga kehnay
tum bhi kitni pagal ho
janti nahi itna
main toh mazak kar raha tha…