MaiN aap apni talash meiN huN
MaiN aap hi apani talaash meiN huN
meraa koi raah-numa nahiN hai
woh kyaa dikhaaeNge raah mujh ko
jinheN khud apna pata nahiN hai
bahut dinoN se maiN sun raha tha
sazaa woh dete haiN har khata ki
mujhe to is ki sazaa mili hai
keh meri koi khataa nahiN hai,
dil aainaa hai tum apani surat
saNvaar lo aur khud hi dekho
jo nuks hoga dikhaai degaa
ye bezubaan bolata nahiN hai
masarratoN ki talaash meiN huN
magar ye dil jaanataa nahiN hai
agar gham-e-ziNdagi nahiN hai
to zindagi meN mazaa nahiN hai
yeh unke mandir, yeh unke masjid
yeh zar parastoN ki sajda-gaaheN
agar yeh unke khuda ka ghar hai
to is meiN mera khuda nahiN hai