Aik Buhat Khoobsurat Nazm,
Gulshan Ki Baharon Main,
Rangeen Nazaron Main,
Jab Tum Mujhey Dhoondo Ge,
Aankhon Main Nami Hogi,
Mehsoos Tumhain Her Dum,
Phir Meri Kami Hogi
Aakaash Pe Jab Taaray,
Sangeet Suna’ain Ge,
Beetay Huay Lamhon Ko,
Aankhon Main Saja’ain Ge,
Tanhai Ke Sholo’n Se,
Jab Aag Lagi Hogi,
Mehsoos Tumhain Her Dum,
Phir Meri Kami Hogi
Saawan Ki Ghata’on Ka,
Jab Shor Suno Ge Tum,
Bikhray Huay Maazi Ke,
Auraaq Chuno Ge Tum,
Maahol Ke Chehray Per,
Jab Dhool Jami Hogi,
Mehsoos Tumhain Her Dum,
Phir Meri Kami Hogi
Jab Naam Mera Lo Ge,
Tum Kaanp Rahay Ho Ge,
Aanso Bharay Daaman Se,
Muu’n Dhaanp Rahay Ho Ge,
Rangeen Ghata’on Ki,
Jab Shaam Ghani Hogi,
Mehsoos Tumhain Her Dum,
Phir Meri Kami Hogi.
Umeed Hai Aap Logon Ko Pasand Aye Gi..
Regards,
