gulshan ki baharon main
rangeen nazaron main
jab tum mujhay dhoondho gay
ankhoon main nami hogi
mehsoos tumhain har dum
phir meri kami hogi
akaash pay jab taray
sangeet sunayen gay
beetay huway lamhon ko
ankhoon main sajayen gay
tanhayi kay sholoon say
jab aag lagi hogi
mehsoos tumhain har dum
phir meri kami hogi
sawan ki ghataaon ka
jab shor suno gay tum
bikhray huway maazi kay
awraaq chuno gay tum
mahool kay chehray par
jab dhool jami hogi
mehsoos tumhain har dum
phir meri kami hogi
jab naam mera logay
tum kaanp rahay hogay
ansoo bharay daman say
monh dhaanp rahay hogay
rangeen ghataoon ki
jab shaam ghani hogi
k: