Mehfil mein un ki ub pazeraayi aur he
chashm-e-talab wohi he tamashayi aur he
bujhti nahi he pyas meh’z ik nigah se
ye mehkadaa he aur ye sheydayi aur he
nazrein mili to raz-e-haqeeqat ayaan huya
behroop mein kisi ke ye harjayi aur he
wo phool le ke aye to mosam badal gaya
un ki nazar mein aaj shkebayi aur he
rakhta he doosro ki to wo justujoo magar
khud uski apni zaat mein tanhayi aur he
roohi hamara tar’z-e-takallam he munfarid
lehja juda he qaafiya aarayi aur he
(Almaas Roohi)