Mehfil-e-Unwaan — Waqt/Gharri/Lamhey

Arts & Culture Poetry ( Intikhaab & Sho'ra-e-Gupshup)
61

Re: Mehfil-e-Unwaan — Waqt/Gharri/Lamhey

jis hum-nawaa pe mujhey naaz tha wo tou waqt ke saath hi badal geya
jisey naam bhi meraa yaad nahi, tou apna haq meiN us pe jataaoN kya
meiN maraa nahi to jia bhi kya ke terey baad sey ajeeb hi haal hey
koi dekhey tou us sey chupaaoN kya koi poochey to us ko bataaoN kya

62

Re: Mehfil-e-Unwaan — Waqt/Gharri/Lamhey

Bigrrey ko banaaney meiN waqt zaaya nahi karta
meiN uljhey huwey dhagoN ko suljhaya nahi karta
*hawa aawaara-mijaz hey ye jaanta hooN meiN*
*bas isi leeye khirrki pe diya jalaaya nahi karta*

63

Re: Mehfil-e-Unwaan — Waqt/Gharri/Lamhey

na-jaaney kis gumaan ke behlaawey meiN uljah kar
wo saath to chala aaya hey par chalta hey kahaaN tak
merey tajassus bharey gumaaN ko ab ye fikr lagi hey
ke rangoN meiN waqt apney tujhey rangta hey kahaaN tak

Sing a Song according 2 Ur Mood !!!!!
64

Re: Mehfil-e-Unwaan — Waqt/Gharri/Lamhey

wuh lamha jab sey meiN ney teri ulfat ka jaam khoya
chatkha huwa hey tab sey sochoN ka har pe'maana
ye be'rukhi ke nashtar to meiN kab sey seh raha hooN
iss baar tum milo tou koii zakhm neyaa lagaana

65

Re: Mehfil-e-Unwaan — Waqt/Gharri/Lamhey

mujhey kehkashaaN ki talab nahi meiN jugnuoN ka karooN ga kya
teri chaahatoN ka chaand jo hey meri khirrkiyoN pe kharra huwa
koi roshni kii rida leeye merey saath rehta hey har gharri
yehi aek dhoka wisaal ka mujhey khalwatoN meiN sada huwa

66

Re: Mehfil-e-Unwaan — Waqt/Gharri/Lamhey

Zara ye aftaad guzar jaaey tou phir socheiN ge
zulm ka selaab utar jaaey tou phir socheiN ge
hum ney kis morr pe manzil ki talab khoh di thi
waqt ki raftaar thehar jaaey tou phir socheiN ge

Bhutto - The Movie
67

Re: Mehfil-e-Unwaan — Waqt/Gharri/Lamhey

har waqt meri khoj me rehti hai teri yaad
tonay meray wajood ki tanhayi bhi chen li

68

Re: Mehfil-e-Unwaan — Waqt/Gharri/Lamhey

Great stuff guys :):k: … keep it up :slight_smile:

69

Re: Mehfil-e-Unwaan — Waqt/Gharri/Lamhey

Kon siyahi ghool raha tha waqt kay behtay dariya maein
Mein nay aankh jhukee daikhi hay aaj kisee harjai ki <!--IBF.ATTACHMENT_2242689-->

70

Re: Mehfil-e-Unwaan — Waqt/Gharri/Lamhey

jo mera aur tumhara *waqt *guzra hansnay ronay maiN usay puri tarha se tum bhula do phir chalay jaNa
The Random Thread
71

Re: Mehfil-e-Unwaan — Waqt/Gharri/Lamhey

Deikh lo Khuwab magar Khuwab ka charchaa na karo
Log jul Jaayenge suraj ki tum tamannaa na karo
Waqt ka kya hy kisi pal bhi badal sakta hay
Ho sakay tum se to tum mujh pe bharosa na karo

72

Re: Mehfil-e-Unwaan — Waqt/Gharri/Lamhey

~::~

Zikar se jin haadso'n kay saans rukti thi kabhi
Waqt ke majbooriyo'n mai'n sub gawara ho gaye

~::~

73

Re: Mehfil-e-Unwaan — Waqt/Gharri/Lamhey

Tum Nay Chaha Bhi Tou Kis Haal Main Chaha Hay Humain
Jab Humain WAQT Badaltay Hovay Dar Lagtaa Hay ! ! !