Mehfil-e-Unwaan — Zindagi

Arts & Culture Poetry ( Intikhaab & Sho'ra-e-Gupshup)
1

Unwaan: Zindagi

Saabqa unwaan: Raat, Shaam

PS: Barah-e-meherbani poori ghazal post karney sey ijtinaab kareiN.
*** **Agar aap ke paas deeye gaey unwaan sey mutaaliq kai aashaar heiN to unhey alag, alag post kareiN ta ke infiraadiyat bhi barqaraar rahey aur parrhney meiN bhi lutf aey.

Shukriya
Amal
[/QUOTE]

2

Re: Mehfil-e-Unwaan — Zindagi

**
KaheeN be-kinaar sey rut'jatey kahein zar-nigaar sey khaab de
tera kya asool hey zindagi mujhey kon is ka jawaab dey
kabhi yuN bhi ho terey ru'baru meiN nazar mila ke ye keh sakooN
meri hasratoN ka shumaar kar meri khaahishoN ka hisaab dey!
**

3

Re: Mehfil-e-Unwaan — Zindagi

**
Zindagi yun bhi bohat kam hey mohabbat ke leeye
rootth kar waqt ganwaaney ka zaroorat kya hey!

**

4

Re: Mehfil-e-Unwaan — Zindagi

**
Deikha hey zindagi ko kuch itna qareeb sey
chehrey tamaam lagney lagey heiN ajeeb sey
is reengti hayaat ka kab tak utthaeiN baar
bimaar ab ulajahney lagey heiN tabeeb sey
**

People who talk really loudly
5

Re: Mehfil-e-Unwaan — Zindagi

**Khuwab,khuwahish,wehma hai zindagi

Ik bhayanak hadsa hai zindagi

Aj tak yea masla suljha nahi

Main khafa hoon k khafa hai zindagi
**
<!-- THE POST -->

6

Re: Mehfil-e-Unwaan — Zindagi

*SalwateiN heiN merey chehrey par to heirat kiuN hey
zindagi ney mujhey kuch tum sey ziyaada pehna
*

7

Re: Mehfil-e-Unwaan — Zindagi

Waqt achaa bhee aa'e gaa naasir
Gham na kar zindagi, paree hai abhee

People who talk really loudly
8

Re: Mehfil-e-Unwaan — Zindagi

bar-tar az andeshaaey sood-o-ziyaaN hey Zindagi
hey kabhi jaan aur kabhii tasleem-e-jaan hey Zindagi
Aashkara hey ye apni quwat-e-taskheer sey
garchey ik matti ke paikar meiN nihaaN hey Zindagi

9

Re: Mehfil-e-Unwaan — Zindagi

Qulzum-e-Hasti sey ubhraa hey tu maanind-e-hubaab

Is ziyaan khaanay mein teraa imtehaan hey Zindagi <O:p

10

Re: Mehfil-e-Unwaan — Zindagi

Ye shikastagi meri zaat ki mujhey apni hi **Zindagi **sey hey mili
isey dushmani jab mujh hi sey hey to kis tarhan meiN jiyun isey
abhi tou guzri thi ye bahaar mujhey dey ke dard be shumaar
mera har zakhm hey abhi hara meiN phir sey kesey milon isey

11

Re: Mehfil-e-Unwaan — Zindagi

mosam kabhi giraaN tha tou rastey kabhi kathan
har morr hum pe bhaari thaa Zindagi k safar ka
beithey hein iss aas pe bhar jaaey ga kabhi zakhm
ik waqt hi shaaid taryaaq hey yaadoN k zehar ka

12

Re: Mehfil-e-Unwaan — Zindagi

merey aainoN mein har taraf jo khayal hey ik saja huwa
wuhi aik aks lateef saa merii Zindagi pe parra huwaa
koii roshni ki ridaa liyee merey saath rehta hey har gharri
yehi aik dhoka wisaal ka mujhey khalwatoN meiN sada huwa

13

Re: Mehfil-e-Unwaan — Zindagi

Dil meiN ik yaas iki dal-dal ke siwaa kuch bhii nahii **
**Zindagi ik rog-e-musalsal ke siwaa kuch bhi nahii
hasrateiN mar gaiiN na jaaney kab dum ghuttney sey
*ab tou is jism meiN dil-e-bojhal ke siwaa kuch bhi nahii *

14

Re: Mehfil-e-Unwaan — Zindagi

Yun maatmi sey libaas mein koi aah-o-fughaaN hey aaj bhi
jaesey chashm-e-tar mein khaab koii pareshaan hey aaj bhi
mein Zindagi kii raah guzar pe dar ba-dar hoon iss liyee
k muhabbtoN ke shehar meiN dil be-makaaN hey aaj bhii

15

Re: Mehfil-e-Unwaan — Zindagi

humaarey safar mein humarey saath bas dil-jali si fizaa nahi
kuch tishnagi ki saa'ateiN kuch udaasiyoN ke lamheiN bhi heiN
humeiN rozgaar-e-hayaat ney kai majbooriyoN mein jakarr diyaa
so ye wujood tou apni jaga sahi, par Zindagi sey giley bhii heiN

16

Re: Mehfil-e-Unwaan — Zindagi

Aesey hi mar mar ke aakhir kab taq jia kareiN
chalo aao Zindagi sey koi tasfiyaa kareiN
thori sii bhi aaey hunsii tou aansouN ke saath
aur kaesi apni khushi ka hum sadqa diyaa kareiN

17

Re: Mehfil-e-Unwaan — Zindagi

Roshni sey bohat pyaar tha to aankhoN ko roshan kar letey
bhala aandhiyon ke beech tumhey diye jalaa ke kya mila
nahi Zindagi ke falsafey meiN sab saans leney sey muttasil
jab dil ki dunya hi lut gai to tumhey sar bacha ke kya mila<O:p

18

Re: Mehfil-e-Unwaan — Zindagi

Na sawaal kar na jawaab maang ke mujhey Zindagi ki kitaab mein
ik baab bhi khushi ka mila nahi, meiN aakhir tujh ko sunaaoN kya
<O:p*tujhey kya khabar aey merey hamsfar, hey bisaat-e-jaaN dukhi kis qadar*
<O:p*dard hey bohat par hey be-nishaaN, tujhey zakhm apney dikhaaoN kya<O:p*

19

Re: Mehfil-e-Unwaan — Zindagi


tujhay kia kahooN maiN ae'ey **zindghi **teRi ik pal ki khabaR nahi
maiN kaRooN yaqee'N bhi tu kis taRha teRay ik pal ki khabaR nahi
meRi khawa'ishooN ka ye silsila hai kahaN ta'lakye khabaR nahi
ye safaR sadi pe mu'heet hai meRi umeR aik pahaR nahi

20

Re: Mehfil-e-Unwaan — Zindagi

Bar tar az andesha-e-Sood-o-ZiyaaN hai Zindagi
Hai kabhi JaaN aur kabhi Tasleem-e-JaaN hai Zindagi

Tu issaY pemaana-e-Imroz-e-Fardaa saY naa naap
JavedaaN, peham dawaaN, har dumm jawaaN hai Zindagi

Qulzum-e-Hasti saY ubhraa hai tu MaaniNd-e-Hubaab
Iss ziyaaN khaanaY maiN tera imtehaaN hai Zindagi