Mehfil-e-Unwaan — Raat

Arts & Culture Poetry ( Intikhaab & Sho'ra-e-Gupshup)
1

Friends,
Hum Intikhaab meiN aek naya silsila shuru kar rahey heiN jo kisi had tak Picture Poetry sey bhi milta hey. Is thread meiN aek lafz tajveez kiya jaeyga jis ke mutaabiq aashaar post kieeye jaeiNge aur is tarha ye silsil aagey barrhta rahey ga. Is baar hamaara unwaan hey “Raat”

Jo bhi lafz tajveez kiya jaey ga, wo apney poorey khaandaan ke saath is thread meiN shaamil ho ga. Maslan, agar lafz Aawaaz tajveez ho ga to aap aawaazoN, aawaazeiN waghera par bhi sheir keh saktey heiN. Isi tarha Yaad lafz ki soorat meiN yaadeiN bhi unwaan hi tasavvur kiya jaeyga. Tajveez-karda lafz sheir meiN kisi bhi jaga aey, is baat ki koi qaed nahi ho gi.

PS: Barah-e-meherbani poori ghazal post karney sey ijtinaab kareiN.
*** **Agar aap ke paas deeye gaey unwaan sey mutaaliq kai aashaar heiN to unhey alag, alag post kareiN ta ke infiraadiyat bhi barqaraar rahey aur parrhney meiN bhi lutf aey.

Shukriya
Amal

2

Re: Mehfil-e-Unwaan — Raat

**
Raat phir aaey gi phir zehan ke darwaazey par
koi mehndi meiN rangey haath sey dastak de ga!
**

3

Re: Mehfil-e-Unwaan — Raat

Raat ke parDey mein chuhp kar khuuN rulaati chahto
iss qadar kyuun door ho, mujhsey zara ye to kaho
merey paas aa kar kabhii meri kahani bhi suno
siskiyaan leti hawaain kah raheen hein 'chup raho'

4

Re: Mehfil-e-Unwaan — Raat

Raat yoon dil mein teri khoi huwii yaad aai
jaese weerane mein chupke sey bahar aa jae
jaese sehraon mein holey sey chaley baad-e-naseem
jaese beemar ko be-wajah qarar aa jaaey

Poet: Faiz Ahmed Faiz

5

Re: Mehfil-e-Unwaan — Raat

raat bas ek chiragh ki LO se raha mukalma
subhoo na janay kab hoii kaisay hoii pata nahi

6

Re: Mehfil-e-Unwaan — Raat


jub raat sir pay aye to yaad a'aya woh bohat
sooraj ki roshni main jo tora tha ek chiragh

7

Re: Mehfil-e-Unwaan — Raat

Na ye shabnam hey na ye bikhre hue taron ka hujoom
Raat ki laash pe tapke hein sehar ke aansoo

8

Re: Mehfil-e-Unwaan — Raat

Raat bhar pighla dua mein ask ask uska wajood
tab kaheeN ye subh nikli hey chaman pehney hue

9

Re: Mehfil-e-Unwaan — Raat

Raat baqi thee abhi sar-e-baleen aa kar
chaand ney mujhse kaha jaag sehar aai hey
jaag is shab jo mey-khaab tera hisa thee
jaam ke lab sey teh-e-jaam utar aai hey

10

Re: Mehfil-e-Unwaan — Raat

Raat baqi thi jab wo bichra thaa
Umer guzri hai, raat baqi hai!

11

Re: Mehfil-e-Unwaan — Raat

raat bitii to ginay aablay aur phir soch'a
kaun thaa baais-e-aga'az-e-safar shaam ke baad

tu hai sooraj tujhay maaloom kahaa.N raat kaa dukh
tuu kisi roz meray ghar main utar shaam ke baad

12

Re: Mehfil-e-Unwaan — Raat

Shayad TumhaiN Naseeb ho aye khushtugaan-e-shub
Roo-e-Uf'q pe Subh kaY aasaar dekhnaa :)

13

Re: Mehfil-e-Unwaan — Raat

Haath main liyay betha tha main din ka khali kasa **
**Raat bhikaran chand ki mujh ko korhay day kar chali ga’i
*Aur bhikaran kar gai, dekha mujh ko aik bhikaran *

a tarvini by Gulzaar

14

Re: Mehfil-e-Unwaan — Raat

charaaG-e-ishq jalaane kii raat aa_ii hai
kisii ko apanaa banaane kii raat aa_ii hai

falak ka chaa.Dd bhii sharmaa ke muu.Nh chhupaayegaa
naqaab ruKh se uThaane kii raat aa_ii hai

15

Re: Mehfil-e-Unwaan — Raat

Raat kay shayad aik bajay hain
Soota ho ga mera chand
**
**Perween Shakir **

16

Re: Mehfil-e-Unwaan — Raat

badalte mousam mein chaand raaton ki be-hijabi se kon pocheY
kisi ke hissey mein dasht-gardii kisi ke hissey main khawab kiyon hai

17

Re: Mehfil-e-Unwaan — Raat

*


ye pehle soch lu phir aur bhii tanha na ho jana
usse chohnayy ki hasrat mien, usse paanay kii khwahish mien
boht se zakhm hien dil mien mgR ik zakhm aisa haii
jo jal uth-ta haii Raato`N ko, jo lu deta haii barish mien

*

18

Re: Mehfil-e-Unwaan — Raat

:smilestar: kanooo kee bachee copy karnah bas karho :halo:

19

Re: Mehfil-e-Unwaan — Raat

Raton ki udasi dil mein ik aag lagati hey
ik umer ka rona hey do din ki shanasaiee

20

Re: Mehfil-e-Unwaan — Raat

nice one shab ;)
*